കണ്ണൂര്: സ്പോര്ട്സിലൂടെ സൗഹൃദം എന്ന സന്ദേശവുമായി കണ്ണൂര് സ്പോര്ടിംഗ് ക്ലബ്ബിന്റെ നേതൃത്വത്തില് സംഘടിപ്പിക്കുന്ന സൗഹൃദ ക്രിക്കറ്റ് മാച്ച് ഇന്ന് നടക്കും. വൈകുന്നേരം 3.30ന് കലക്ടറേറ്റ് മൈതാനിയിലാണ് സൗഹൃദ ക്രിക്കറ്റ് മാച്ച് നടക്കുക. ജനപ്രതിനിധികളും പത്രപ്രവര്ത്തകരും ഉദ്യോഗസ്ഥ മേധാവികളും വ്യാപാരി വ്യവസായ പ്രമുഖരും ക്രിക്കറ്റ് മാച്ചില് കളത്തിലിറങ്ങും. ജില്ലയിലെ സമാധാന നീക്കങ്ങള്ക്ക് കരുത്ത് പകരുക, കണ്ണൂരിന്റെ കായിക രംഗത്തിന് ഉണര്വ് പകരുക തുടങ്ങിയ ലക്ഷ്യങ്ങളുമായാണ് എല്ലാവിഭാഗം രാഷ്ട്രീയക്കാരെയും പങ്കെടുപ്പിച്ച് ക്രിക്കറ്റ് മാച്ച് സംഘടിപ്പിക്കുന്നത്.
ബിജെപി ദേശീയ നിര്വാഹകസമിതിയംഗം പി.കെ.കൃഷ്ണദാസ്, സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്, കെപിസിസി പ്രസിഡന്റ് എം.എം.ഹസ്സന് എന്നിവര് ചേര്ന്നാണ് സൗഹൃദ മത്സരം ഉദ്ഘാടനം ചെയ്യുക.
കലക്ടറും എസ്പിയുമടക്കമുള്ള ഉദ്യോഗസ്ഥരും വ്യവസായ പ്രമുഖരും ഉള്പ്പെടുന്ന ടീമിനെ ജില്ലാ കലക്ടര് മിര് മുഹമ്മദലി നയിക്കും. ജില്ലാ പോലീസ് മേധാവി ജി.ശിവവിക്രമാണ് വൈസ് ക്യാപ്റ്റന്. ജനപ്രതിനിധികളും രാഷ്ട്രീയ നേതാക്കളും പത്രപ്രവര്ത്തകരും അണിനിരക്കുന്ന ടീമിന്റെ ക്യാപ്റ്റന് മന്ത്രി രാമചന്ദ്രന് കടന്നപ്പള്ളി നയിക്കും. ടി.വി.രാജേഷ് എംഎല്എയാണ് വൈസ് ക്യാപ്റ്റന്. സിപിഐ ദേശീയ നിര്വാഹകസമിതിയംഗം പന്ന്യന് രവീന്ദ്രന് കളിയുടെ തത്സമയ വിവരണം നല്കും. പ്രതിപക്ഷ നേതാവ് രമേശ് ചെന്നിത്തല സമ്മാനദാനം നിര്വഹിക്കും. പി.കെ.ശ്രീമതി എംപിയും ചടങ്ങില് സന്നിഹിതയാകും.
