തിരുവനന്തപുരം: തിരുവനന്തപുരം വിമാനത്താവളത്തില് നിന്നും മൂന്ന് കിലോ മയക്കുമരുന്ന് പിടികൂടി. കാര്ഗോ സര്വീസ് വഴി ശ്രീലങ്കയിലേക്ക് കടത്താന് ശ്രമിക്കവെയാണ് കസ്റ്റംസ് അധികൃതര് മയക്കുമരുന്ന് പിടിച്ചത്.
പച്ചക്കറിക്കിടെ മയക്കുമരുന്ന് കടത്തുന്നുവെന്ന രഹസ്യവിവരത്തെ തുടര്ന്ന് കസ്റ്റംസ് പരിശോധന നടത്തുകയായിരുന്നു. മയക്കുമരുന്ന് രാസപരിശോധനക്ക് അയക്കാനുള്ള നടപടി കസ്റ്റംസ് സ്വീകരിച്ചു. ബ്രൗണ്ഷുഗറാണ് പിടികൂടിയതെന്ന് സംശയിക്കുന്നതായി അധികൃതര് പറഞ്ഞു.
