ബോസ്റ്റന്: ക്യൂബന് വിപ്ലവനേതാവ് ഫിഡല് കാസ്ട്രോയുടെ സിഗരറ്റ് പെട്ടി ലേലത്തില് വന്തുകയ്ക്ക് വിറ്റുപോയി. ജീവകാരുണ്യ പ്രവര്ത്തകയായ ഇവാ ഹാലറിന് കാസ്ട്രോ കയ്യൊപ്പിട്ടു സമ്മാനിച്ച സിഗരറ്റ് പെട്ടി 26,950 ഡോളര് (17.5 ലക്ഷംരൂപ) മൂല്യത്തിനാണ് ലേലത്തില് പോയത്.
കാസ്ട്രോയ്ക്കു പ്രിയപ്പെട്ട ട്രിനിഡാഡ് ഫന്ഡഡോഴ്സ് സിഗരറ്റുകള് സൂക്ഷിച്ചിരുന്ന തടികൊണ്ടുള്ള പെട്ടിയാണ് വിറ്റത്. 24 സിഗരറ്റുകള് ഉള്ക്കൊള്ളുന്ന പെട്ടി ഒരു ചടങ്ങിനിടെ ഹാലറിന് സമ്മാനിക്കുകയായിരുന്നു.
