മറയൂര്: കാന്തല്ലൂരില്വീട് കുത്തി തുറന്ന് മോഷണം നടത്തിയ കേസില് പ്രതിയെ പോലീസ് പിടികൂടി. അഞ്ചുനാട് കാന്തല്ലൂര് എസ്സി കോളനി നിവാസി ഉടയാര്(29)ആണ് ഉദുമലപേട്ടയില് നിന്ന് കഴിഞ്ഞ ദിവസം അറസ്റ്റിലായത്. കാന്തല്ലൂര് എസ്സി കോളനിയിലെ തിരുമുരുകന്റെ വീട്ടില് മോഷണം നടത്തിയ കേസിലാണ് ബന്ധുകൂടിയായ പ്രതി പിടിയിലായത്.കുടുംബം വട്ടവടയിലേയ്ക്ക് പോയ സാഹചര്യം മുതലെടുത്ത് പിന്വശത്തെ വാതില് കുത്തി തുറന്ന് സ്വര്ണ്ണഭാരണങ്ങളും പണവും കവരുകയായിരുന്നു.
അന്വേഷണത്തിന്റെ ഭാഗമായി മോഷണം നടന്ന വീട്ടിലെത്തിയ ഇടുക്കി ഡോഗ് സ്ക്വോഡിലെജനി എന്ന നായ് അടുത്തുള്ള ഉടയാറുടെ വീടിന്റെ മുന്നിലെത്തി നിന്നിരുന്നു.
സംഭവ ദിവസം മുതല് ഉടയാര് ഒളിവിലായിരുന്നു. പ്രതിയെ കാന്തല്ലൂരിലെത്തിച്ച് തെളിവെടുപ്പ് നടത്തി.പ്രതിയുടെ പക്കല് നിന്ന് സ്വര്ണ്ണഭരണങ്ങള് കണ്ടെടുത്തു. മറയൂര് എസ്ഐ ജി. അജയകുമാറിന്റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ്ചെയ്തത്്.
