പുതുക്കാട്: തലവണിക്കരയില് വീട് കയറി ആക്രമണം നടത്തിയ നാല് പേര് അറസ്റ്റില്.
പടിഞ്ഞാറേ നടക്കാവില് അരുണ് (27), മുളയ്ക്ക ല് ശ്രീജേഷ് (35), സഹോദരന് ധനേഷ് (33), ചുങ്കന് ഡെയ്സണ് (23) എന്നിവരാണ് അറസ്റ്റിലായത്.
കഴിഞ്ഞ ശനിയാഴ്ച രാത്രി ഇവര് മരാശ്ശേരി വാസന്തിയുടെ വീട് കയറി ആക്രമിക്കുകയായിരുന്നു. ഇവരുടെ മകന് ശരത്തിന് പരിക്കേറ്റിരുന്നു. വീടിന്റെ ജനല് ചില്ലുകള് തകര്ത്തു.
പ്രാദേശിക ക്ലബ്ബിലെ അംഗമായ ശ്രീജേഷും സമീപവാസിയായ ശരത്തും ഫ്ളക്സ് വയ്ക്കുന്നതിനെച്ചൊല്ലി തര്ക്കമുണ്ടായിരുന്നതായി പോലീസ് പറഞ്ഞു.
ഇതിനെ തുടര്ന്നാണ് ധനേഷും ശ്രീജേഷും സുഹൃത്തുക്കളും ചേര്ന്ന് ശരത്തിന്റെ വീട് ആക്രമിച്ചത്.
ഇതിനു തുടര്ച്ചയായി ചൊവ്വാഴ്ച പുലര്ച്ചെ ധനേഷിന്റെയും ശ്രീജേഷിന്റെ ബൈക്കുകള് കത്തിച്ചിരുന്നു.
ധനേഷ് വാടകയ്ക്കു താമസിക്കുന്ന വീടിനു മുന്നിലിരുന്ന ബൈക്കുകളാണ് കത്തിച്ചത്. അറസ്റ്റിലായവരെ റിമാന്ഡ് ചെയ്തു.
