കൊല്ലം: സമസ്ത മേഖലയിലും പുരോഗതി കൈവരിച്ച പുതു ഭാരത സൃഷ്ടിക്കായി പ്രധാനമന്ത്രി അഹോരാത്രം പണിയെടുക്കുന്നെന്ന് യുവമോര്ച്ച അഖിലേന്ത്യാ സെക്രട്ടറി അനൂപ് ആന്റണി ജോസഫ്. യുവമോര്ച്ച കൊല്ലം ജില്ലാ കമ്മിറ്റി സംഘടിപ്പിച്ച യുവ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
വാജ്പേയി സര്ക്കാര് അടിത്തറ പാകിയ ഭാരതത്തിന്റെ ആധുനിക സാങ്കേതിക വിദ്യാരംഗത്തെ വിപ്ലവം മോദി സര്ക്കാര് അതിവേഗം മുന്നോട്ട് കൊണ്ടു പോകുന്നു. സാമ്പത്തികമായി പിന്നോക്കം നില്ക്കുന്നവരെയും സമുന്നതിയിലേക്ക് കൊണ്ട് വരാന് സര്ക്കാര് പ്രതിജ്ഞാബദ്ധമാണ്.
ഉജ്ജ്വല് യോജന, അവാസ് യോജന പദ്ധതികളിലൂടെ സര്ക്കാര് ഇതിന് ശ്രമിച്ച് കൊണ്ടിരിക്കുന്നു. മോദി സര്ക്കാരിന്റെ പദ്ധതികള് നിര്ഭാഗ്യവശാല് കേരളത്തില് നടപ്പില് വരുത്താന് സംസ്ഥാന ഭരണകൂടം തയ്യാറാകുന്നില്ല. മോദി സര്ക്കാരിന്റെ വിവിധ പദ്ധതികളുടെ പ്രചാരകന്മാരായി സമൂഹത്തിലേക്ക് ഇറങ്ങി ചെല്ലാന് യുവമോര്ച്ച പ്രവര്ത്തകര് തയ്യാറാകണമെന്നും അദ്ദേഹം പറഞ്ഞു.
യുവമോര്ച്ച കൊല്ലം ജില്ലാ പ്രസിഡന്റ് ടി.വി. സനില് അദ്ധ്യക്ഷനായി. യുവമോര്ച്ച സംസ്ഥാന പ്രസിഡന്റ് അഡ്വ.കെ.പി പ്രകാശ് ബാബു, സംസ്ഥാന ട്രഷറര് ആര്.എസ്. സമ്പത്ത്, ബിജെപി ജില്ലാ ജനറല് സെക്രട്ടറി അഡ്വ.ജി ഗോപകുമാര്, ഉപാദ്ധ്യക്ഷന് അഡ്വ.ചന്ദ്രമോഹനന്, മണ്ഡലം പ്രസിഡന്റ് സി.എസ് ശൈലേന്ദ്രബാബു, യുവമോര്ച്ച ജില്ലാ ജനറല് സെക്രട്ടറിമാരായ വി.എസ്. ജിതിന് ദേവ്, കൃഷ്ണകുമാര് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: