ഇരിങ്ങാലക്കുട : തപസ്യ കലാസാഹിത്യവേദിയുടെ ആഭിമുഖ്യത്തില് പരിസ്ഥിതി ശില്പശാല നടന്നു. ഇരിങ്ങാലക്കുട മാപ്രാണം കുഴിക്കാട്ടുകോണം ഇടിഎം ഔഷധവനത്തില് നടന്ന ശില്പശാല തപസ്യ ജില്ല പ്രസിഡണ്ടും സാഹിത്യകാരനുമായ മാടമ്പ് കുഞ്ഞിക്കുട്ടന് ഉദ്ഘാടനം ചെയ്തു. യുവസാഹിത്യകാരന് ശ്രീജിത്ത് മുത്തേടത്ത് അദ്ധ്യക്ഷത വഹിച്ചു.
പശ്ചിമഘട്ട മലനിരയ്ക്ക് പറയാനുള്ളത് എന്ന വിഷയത്തെ അധികരിച്ച് അഡ്വ.കെ.പി.വേണുഗോപാല് മുഖ്യപ്രഭാഷണം നടത്തി. തപസ്യ സംസ്ഥാന സഹസംഘടനാസെക്രട്ടറി, സി.സി.സുരേഷ്, ജില്ല ജനറല് സെക്രട്ടറി ടി.എസ്.നീലാംബരന്, സംഘടനാസെക്രട്ടറി കെ.ഉണ്ണികൃഷ്ണന്, സുരേഷ് വനമിത്ര, എം.എസ്.ഗോവിന്ദന്കുട്ടി, പാലക്കാട് ജില്ല പ്രസിഡണ്ട് ദാമോദര്ജി എന്നിവര് സംസാരിച്ചു.
പരിസ്ഥിതിയും മനുഷ്യനും എന്ന വിഷയത്തില് ഡോ.സി.എം.ജോയി, നെല്വയല് തണ്ണീര്ത്തടസംരക്ഷണനിയമം ഒരു വിശദാവലോകനം എന്ന വിഷയത്തില് കെ.മോഹന്ദാസ് എന്നിവര് ക്ലാസെടുത്തു.
