കണ്ണൂര്: കേരള ലളിതകലാ അക്കാദമിയുടെയും കേരളശാസ്ത്രസാഹിത്യപരിഷത്തിന്റെയും സഹകരണത്തോടെ 23, 24, 25 തിയ്യതികളില് കതിരൂരില് ചിത്രകലാപണിപ്പുര സംഘടിപ്പിക്കുന്നു. കതിരൂര് പഞ്ചായത്ത് സാംസ്കാരിക നിലയത്തില് നടക്കുന്ന ക്യാമ്പില് വിവിധ ജില്ലകളില് നിന്നായി 45 ചിത്രകാരന്മാരാണ് പങ്കെടുക്കുകയെന്ന് സംഘാടകര് വാര്ത്താസമ്മേളനത്തില് അറിയിച്ചു. കേരളലളിതകലാ അക്കാദമി അംഗം എബി എന് ജോസഫ് 23 ന് കാലത്ത് പത്തിന് ക്യാമ്പ് ഉദ്ഘാടനം ചെയ്യും. തുടര്ന്ന് ഗ്രാമോത്സവത്തിലെ വര എന്ന വിഷയം അശ്വത്ഥ് അവതരിപ്പിക്കും. ലളിതകലാഅക്കാദമി സെക്രട്ടറി പൊന്ന്യം ചന്ദ്രന് ക്ലാസെടുക്കും. ഉച്ചമുതല് ചിത്രരചന ആരംഭിക്കും. വൈകുന്നേരം പങ്കാളിത്തകല എന്ന വിഷയം സുധീഷ് കോട്ടേമ്പ്രം അവതരിപ്പിക്കും.
രണ്ടാം ദിവസം വിവിധ തൊഴിലിടങ്ങളില് സന്ദര്ശനം നടത്തുന്ന ചിത്രകാരന്മാര് തൊഴിലാളികളുടെയും കര്ഷകരുടെയും ജീവിത പ്രശ്നങ്ങള് പഠിക്കും. വൈകുന്നേരം സംഘസംവാദം ഷിനോജ് ചോരന് നയിക്കും. തുടര്ന്ന് പാട്ട്രാവ്, സിനിമ തുടങ്ങിയവ ഉണ്ടാകും. മൂന്നാംദിവസം രാവിലെ 11 മണിക്ക് ക്യാമ്പ് ക്രോഡീകരണം നടക്കും. പൊന്ന്യം ചന്ദ്രന്, കെ.എം.ശിവകൃഷ്ണന്, ടി.ദീപേഷ്, സന്തോഷഅ ചുണ്ട തുടങ്ങിയവര് നേതൃത്വം നല്കും. 11 മണി മുതല് തലശ്ശേരി ജൂബിലി കോംപ്ലക്സ് പരിസരത്ത് നഗരചിത്രം പരിപാടി നടക്കും. 45 ചിത്രകാരന്മാര് പങ്കെടുക്കുന്ന പ്രതിഷ്ഠാപനകല നടക്കും. ഒപ്പം പാട്ടിന്റെ അകമ്പടിയുമുണ്ടാകും. വാര്ത്താസമ്മേളനത്തില് സി.റിസ്വന്, പ്രൊഫ.കെ.ബാലന്, ഒ.സി.ബേബിലത, ചിത്രകാരന്മാരായ വി.എന്.അനിരുദ്ധ്, കാര്യാട്ട് ഇന്ദുലേഖ എന്നിവര് പങ്കെടുത്തു.
