മട്ടന്നൂര്: കൈരളി ബുക്സ്, ജെസിഐ പഴശ്ശി, പെറ്റാര്ഡ്സ്, ലിങ്ക്സ് മാള് എന്നിവയുടെ ആഭിമുഖ്യത്തില് 23 മുതല് 31 വരെ മട്ടന്നൂര് ലിങ്ക്സ് മാളില് അക്ഷരം സര്ഗോത്സവം 2017 എന്നപേരില് പുസ്തകോത്സവവും ക്രിസ്തുമസ് ന്യൂഇയര് സര്ഗോത്സവവും നടത്തുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു.
ശനിയാഴ്ച വൈകുന്നേരം 5മണിക്ക് നടക്കുന്ന ഉദ്ഘാടന ചടങ്ങ് പ്രശസ്ത എഴുത്തുകാരന് സി.വി.ബാലകൃഷ്ണന് ഉദ്ഘാടനം ചെയ്യും. നഗരസഭാ വൈസ് ചെയര്മാന് പി.പുരുഷോത്തമന് അധ്യക്ഷത വഹിക്കും. തുടര്ന്ന് സാഹിത്യ സദസ് നടക്കും.
വിവിധ ദിവസങ്ങളിലായി യുപി, ഹൈസ്കൂള്, ഹയര് സെക്കന്ററി വിഭാഗം വിദ്യാര്ത്ഥികള്ക്ക് ചിത്രരചന, കവിതാരചന, കവിതാലാപനം, ക്വിസ്സ്, പ്രസംഗം, മാപ്പിളപ്പാട്ട് എന്നിവയിലും വനിതകള്ക്ക് മൈലാഞ്ചിയിടല്, മ്യൂസിക്കല് ചെയര്, പാചകം എന്നിവയിലും കുട്ടികള്ക്ക് പ്രിന്സ് ആന്റ് പ്രിന്സസ്, മ്യൂസിക്കല് ചെയര്, ബലൂണ് ഫൈറ്റിംഗ് എന്നിവയിലും മത്സരം നടക്കും. 24ന് കരോക്കെ ഗാനമേള, 25ന് മികച്ച കപ്പിള്സ് തെരഞ്ഞെടുപ്പ്, 26ന് കാവ്യസന്ധ്യ, 27ന് വ്യത്യസ്ത മേഖലകളില് കഴിവ് തെളിയിച്ച വനിതകളുടെ സംഗമം പെണ്മ, 28ന് കര്ഷക കൂട്ടായ്മ, വികസന സെമിനാര്, 30ന് ഹിപ്നോട്ടിക് മാജിക് ഷോ, 31ന് പുസ്തക പ്രകാശനം, വൈകുന്നേരം 5 മണിക്ക് നാടന്പാട്ട് മത്സരം, തുടര്ന്ന് ന്യൂ ഇയര് ആഘോഷം എന്നിവ നടക്കും.
വാര്ത്താസമ്മേളനത്തില് കൈരളി ബുക്സ് എംഡിഒ അശോക് കുമാര്, കെ.എം.ബിജു, സി.സാജു, പി.വി.രഞ്ചിത്ത് കുമാര്, കെ.ദിനേശ്, ബെന്നി അഞ്ചരക്കണ്ടി എന്നിവര് പങ്കെടുത്തു.
