കണ്ണൂര്: ഊര്ജിത വ്യവസായവത്കരണത്തിന്റെ ഭാഗമായി വിവിധ സംരംഭമേഖലകളില് ജില്ലയിലെ പ്രത്യേകതകള് അനുസരിച്ചുള്ള നിക്ഷേപ സാധ്യതകളും അവസരങ്ങളും ചര്ച്ച ചെയ്യുന്നതിനും നൂതന സാങ്കേതിക വിദ്യകള് പരിചയപ്പെടുത്തുന്നതിനും ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില് ഏകദിന നിക്ഷേപകസംഗമം തലശ്ശേരിയില് നടത്തി. തലശ്ശേരി നഗരസഭ വൈസ് ചെയര്പേഴ്സന് നജ്മ ഹാഷിം ഉദ്ഘാടനം ചെയ്തു. ജില്ലാ വ്യവസായകേന്ദ്രം ജനറല് മാനേജര് അബ്ദുല് മജീദ് അധ്യക്ഷത വഹിച്ചു. തലശ്ശേരി ഉപജില്ലാ വ്യവസായ ഓഫീസര് ഐ.ജസീം, കെഎസ്എസ്എഐ സെക്രട്ടറി എം.ഭാസ്കരന്, വ്യവസായ വികസന ഓഫീസര് കെ.അരവിന്ദാക്ഷന് എന്നിവര് സംസാരിച്ചു.
വ്യവസായ അനുബന്ധ വകുപ്പുകളായ ബാങ്ക്, തദ്ദേശ സ്വയം ഭരണ സ്ഥാപനങ്ങള്,ലെകകെഎസ്ഇബി എന്നിവയിലെ ഉദ്യോഗസ്ഥര് ക്ലാസെടുത്തു. ആയുര്വേദം, അപ്ഹോള്സ്റ്ററി രംഗത്തെ നിക്ഷേപ സാധ്യതകള് സംബന്ധിച്ച് വിദഗ്ധര് ക്ലാസെടുത്തു. നിക്ഷേപ സാധ്യതകളുള്ള പ്രൊജക്ടുകളുടെ അവതരണവും നടത്തി. നാല് കോടി രൂപയുടെ നിക്ഷേപ സാധ്യതകള് കണ്ടെത്തി.
