കോട്ടയം: ശ്രീരാമഹനുമദ് ദേവസ്ഥാനമായ തിരുനക്കര തൃക്കൈക്കാട്ട് സ്വാമിയാര് മഠത്തില് ചതുര്ത്ഥ ശ്രീമന്നാരായണീയ തത്ത്വസമീക്ഷാസത്രം. ജനുവരി 1 മുതല് 8 വരെ നടക്കും. ഡിസംബര് 31ന് വൈകിട്ട് 3.30ന് റ്റി. എസ്. പരമേശ്വരനും ശങ്കരവിദ്യാപീഠം വിദ്യാര്ത്ഥികളും നടത്തുന്ന വേദപാരായണത്തോടെ സഭ ആരംഭിക്കും. മഠാധിപതി വാസുദേവ ബ്രഹ്മാനന്ദതീര്ത്ഥസ്വാമിയാര് ധ്വജാരോഹണം നടത്തും. എല്ലാ ദിവസവും രാവിലെ 6 മുതല് യജ്ഞാചാര്യന്മാരായ ഒറവങ്കര അച്യുതന് നമ്പൂതിരി, മള്ളിയൂര് പരമേശ്വരന് നമ്പൂതിരി എന്നിവരുടെ ഭാഗവതപാരായണം. 7.30 മുതല് 8 വരെയും ഉച്ചയ്ക്ക് 1 മുതല് 2 വരെയും ജില്ലയിലെ വിവിധ നാരായണീയ സമിതികളുടെ നാരായണീയ പാരായണം. 8 മുതല് വൈക്കം രാജമ്മാള്, അമൃതംരാജു എന്നിവര് നാരായണീയത്തിലെ തെരഞ്ഞെടുത്ത ദശകങ്ങള്ക്ക് സംഗീതാവിഷ്ക്കരണം നല്കി അവതരിപ്പിക്കും. ഏഴുദിനങ്ങളിലായി രാവിലെ 9മുതല് വൈകിട്ട് 4.45വരെ മുപ്പതോളം പണ്ഡിതന്മാര് പ്രഭാഷണം നടത്തും. നാരായണീയത്തിലെ വിവിധ വിഷയങ്ങളെ ആസ്പദമാക്കി 4.45 മുതല് ‘വന്ദേ ഗുരുപരമ്പരാം’ പരിപാടിയില് ഭാരതത്തിലെ ഋഷീശ്വരന്മാരുടെ ജീവിതവും ദര്ശനങ്ങളും ആസ്പദമാക്കി പ്രഭാഷണങ്ങള് നടക്കും. വൈകിട്ട് 6 മുതല് നടക്കുന്ന സംസ്കാരിക പരിപാടികളില് നാരായണീയ അക്ഷരശ്ലോകം, നാരായണീയശ്ലോകങ്ങള് ചിട്ടപ്പെടുത്തിയ തിരുവാതിര, ഹരികഥ, ഭജന എന്നിവയുണ്ടാകും. ആദ്ധ്യാത്മിക പുസ്തകോത്സവം ഈ വര്ഷത്തെ സത്രത്തിന്റെ പ്രത്യേകതയാണ്.
പ്രതികരിക്കാൻ ഇവിടെ എഴുതുക: