ത്തേറ്റു മരിച്ച രണ്ടാം പാപ്പാന് സുഭാഷിന് സഹപ്രവര്ത്തകരുടേയും നാട്ടുകാരുടേയും അന്ത്യാഞ്ജലി. പോസ്റ്റ്മോര്ട്ടത്തിന് ശേഷം ഇന്നലെ രാവിലെ 11.45 ന് ആനകോട്ടയില് പൊതുദര്ശനത്തിനുവച്ച മൃതദേഹത്തില് കെ.വി. അബ്ദുള്ഖാദര് എം.എല്.എ, ആന തൊഴിലാളി യൂണിയന് സംസ്ഥാന സെക്രട്ടറി ബാബു എം.പാലിശ്ശേരി എന്നിവര് പുഷ്പചക്രമര്പ്പിച്ചു.
കുന്നംകുളം നഗരസഭ വൈസ് ചെയര്മാന് പി.എം. സുരേഷ്, മുന് ചെയര്മാന് പി.ജി. ജയപ്രകാശ്, ഗുരുവായൂര് നഗരസഭ ചെയര്പേഴ്സണ് പ്രൊഫ. പി.കെ. ശാന്തകുമാരി, വൈസ്ചെയര്മാന് കെ.പി. വിനോദ്, ദേവസ്വം ജീവനക്കാര് തുടങ്ങി നിരവധി പേര് അന്ത്യോപചാരമര്പ്പിച്ചു. മമ്മിയൂരിലെ മുന് ഓട്ടോറിക്ഷ ഡ്രൈവര് ആയിരുന്ന സുഭാഷിന്റെ മരണത്തില് അനുശോചിച്ച് ഡ്രൈവര്മാര് വാഹനങ്ങള് നിരത്തില് ഇറക്കിയില്ല.
കഴിഞ്ഞ 10 വര്ഷമായി ഗുരുവായൂര് ദേവസ്വത്തിലെ ആനക്കാരനായി ജോലിചെയ്യുന്ന സുഭാഷ്, രണ്ടുകൊല്ലമായി ശ്രീകൃഷ്ണന്റെ രണ്ടാം പാപ്പാനാണ്. പൊതുദര്ശനത്തിന് ശേഷം മൃതദേഹം പെരിങ്ങോട് കോതച്ചിറയിലുള്ള വീട്ടു വളപ്പില് സംസ്കരിച്ചു.
