നല്ല കമ്മ്യൂണിസ്റ്റുകാരനായാണ് ഇ. ചന്ദ്രശേഖരന്നായര് എന്ന ഇടയിലഴികത്ത്, ഈശ്വരപിള്ള ചന്ദ്രശേഖരന് നായര് അറിയപ്പെടുന്നത്. 1928 ഡിസംബര് 2 ന് കൊട്ടാരക്കര എഴുകോണ് ഇടയിലഴികത്ത് വീട്ടില് ഈശ്വരപിള്ളയുടേയും മീനാക്ഷിയമ്മയുടേയും മകനായി ജനിച്ചു. ഈശ്വരപിള്ള വക്കീല് ശ്രീമൂലം അസംബ്ലിയിലും ശ്രീചിത്രാ സ്റ്റേറ്റ് അസംബ്ലിയിലും തിരുകൊച്ചി നിയമസഭയിലും അംഗമായിരുന്നു.
കൊട്ടാരക്കര സര്ക്കാര് പ്രൈമറി സ്കൂള്, ബോയ്സ് ഹൈസ്കൂള് എന്നിവിടങ്ങളില് സ്കൂള് വിദ്യാഭ്യാസം. തൃക്കണ്ണമംഗല് സംസ്കൃത ഹൈസ്കൂള് ഹെഡ്മാസ്റ്റര് ഗോദവര്മ തിരുമുല്പ്പാടിന്റെ കീഴില് സംസ്കൃത പഠനം. തുടര്ന്ന് ചങ്ങനാശേരി എസ്ബി കോളജില് ഇന്റര്മീഡിയറ്റ് .
അണ്ണാമല സര്വകലാശാലയില് നിന്നും ഗണിതശാസ്ത്രത്തിലും എറണാകുളം ഗവണ്മെന്റ് ലോ കോളജില് നിന്നും നിയമത്തിലും ബിരുദം . അച്ഛന് സ്ഥാപിച്ച ഈശ്വര വിലാസം സ്കൂളില് കുറച്ചു കാലം ഹെഡ്മാസ്റ്റര്, ഗണിതാധ്യാപകന്. 1957ലും 67ലും കൊട്ടാരക്കര, 1977, 80 ചടയമംഗലം, 1987 പത്തനാപുരം, 1996 കരുനാഗപ്പള്ളി എന്നിവിടങ്ങളില് നിന്ന് നിയമസഭയിലേക്ക് മത്സരിച്ചു. പത്തൊന്പത് വര്ഷം നിയമസഭാംഗം. മുഖ്യമന്ത്രി സി അച്യുതമേനോന് മല്സരിക്കാന് 1970ല് കൊട്ടാരക്കരയില് നിന്നുള്ള നിയമസഭാംഗത്വം രാജിവച്ചു.
1980-81 ല് ഭക്ഷ്യ-പൊതുവിതരണം ഭവന നിര്മ്മാണ മന്ത്രി. 1987-91ല് ‘ഭക്ഷ്യ-പൊതുവിതരണം-മൃഗസംരക്ഷണം-ക്ഷീരവികസനം, 1996-2001ല് ഭക്ഷ്യ-പൊതുവിതരണം-ഉപഭോക്തൃകാര്യം-വിനോദസഞ്ചാര വികസനം-നിയമം-മൃഗസംരക്ഷണം-ക്ഷീരവികസനം-ക്ഷീരവികസന സഹകരണസംഘങ്ങള് എന്നീ വകുപ്പുകളുടെ മന്ത്രിയായി . അദ്ദേഹത്തിന്റെ നേതൃത്വത്തിലാണ് മാവേലി സ്റ്റോറുകള് തുടങ്ങിയത്.
ഹിന്ദുമതം ഹിന്ദുത്വം എന്ന പുസ്തകത്തിന് കേരള സാഹിത്യ അക്കാദമിയുടെ കെ.ആര്. നമ്പൂതിരി പുരസ്കാരം ലഭിച്ചിട്ടുണ്ട്. കേരളവികസന മാതൃക ഇനി എങ്ങോട്ട്, ചിതറിയ ഓര്മകള്, മറക്കാത്ത ഓര്മകള് എന്നിവയാണ് മറ്റ് പുസ്തകങ്ങള്.ജനയുഗത്തിന്റെ മാനേജിങ് എഡിറ്ററായും പ്രവര്ത്തിച്ചിട്ടുണ്ട്.
സംസ്ഥാനത്ത് സഹകരണ നിക്ഷേപസമാഹരണത്തിന് 1976 ല് തുടക്കം കുറിച്ചു. മൂന്ന് പതിറ്റാണ്ടുകാലം കൊല്ലം ജില്ലാ സഹകരണ ബാങ്കിന്റെ ഡയറക്ടറും അഞ്ച് വര്ഷക്കാലം പ്രസിഡന്റുമായിരുന്നു.
മികച്ച പാര്ലമെന്റേറിയനുള്ള ആര് ശങ്കരനാരായണന് തമ്പി സ്മാരകപുരസ്കാരം,രാഷ്ട്രീയ ഏകത അവാര്ഡ്, മസ്കറ്റ് മൈത്രിയുടെ അച്യുതമേനോന് അവാര്ഡ്, വി. കെ. രാജന് പുരസ്കാരം തുടങ്ങി നിരവധി പുരസ്കാരങ്ങള് അദ്ദേഹത്തിന്റെ പ്രവര്ത്തന മികവിന്റെ അംഗീകരമാണ്.
