തിരുവനന്തപുരം: നിരവധി ജീവിതശൈലി രോഗങ്ങള്ക്ക് സിദ്ധൗഷധങ്ങളുമായി സ്വദേശി നാടന് ഉത്പന്നമേള ജനശ്രദ്ധനേടുന്നു. പ്രഷറിനും കൊളസ്ട്രോളിനുമുള്ള പുനര്പുളി സ്ക്വാഷ്, പ്രമേഹരോഗികള്ക്ക് കോക്കുംപഴത്തിന്റെ പ്രമേഹപാനീയം എന്നിവ സ്വദേശി ഫെസ്റ്റിവല് നാടന് ഉത്പന്ന പ്രദര്ശനത്തെ വന് ജനപങ്കാളിത്തത്തിലേക്കടുപ്പിച്ചു. ചക്ക പേഡ, ചക്ക കേക്ക്, ചക്ക അച്ചാര്, ചക്ക ജാം, ചക്ക ജെല്ലി, ചക്കക്കുരു, അവലോസ്, പ്രമേഹരോഗികള്ക്ക് കഴിക്കാന് ഉണക്കചക്കച്ചുള, പുളിഞ്ചിക്കസ്ക്വാഷ്, കുട്ടികള്ക്ക് തേന്ജാതിക്കചിപ്സ്, ബ്രഹ്മി സ്ക്വാഷ്, നറുനീണ്ടിസ്ക്വാഷ്, ചെമ്പരത്തിസ്ക്വാഷ്, വാഴപ്പിണ്ടി സ്ക്വാഷ്, ശതാവരിസ്ക്വാഷ്, ഇഞ്ചിസ്ക്വാഷ്, നെല്ലിക്കാ സ്ക്വാഷ്, ചക്കസ്ക്വാഷ്, പുതിനസ്ക്വാഷ്, ഇഞ്ചിയും നാരങ്ങയും കൊണ്ടുള്ള ലമണ് ജിഞ്ചര്സ്ക്വാഷ്, വിവിധതരം നാടന് അച്ചാറുകള്, ചമ്മന്തിപ്പൊടികള് എന്നിവ മേളയെ വ്യത്യസ്തമാക്കുന്ന ഇനങ്ങളാണ്.
പൂര്ണമായി ഗ്ലിസറിന് നിലനിര്ത്തി വെളിച്ചെണ്ണയിലും നാച്ച്വറല് സുഗന്ധദ്രവ്യങ്ങളിലും ഉണ്ടാക്കിയിരിക്കുന്ന കുളിസോപ്പ്, പൈനോയിലും പുല്തൈലവും കൊണ്ട് നിര്മിച്ചിരിക്കുന്ന നാച്ച്വറല് ക്ലീനിംഗ് ലോഷന്, ഗുണനിലവാരത്തില് മികവ് പുലര്ത്തുന്ന വാഷിംഗ് സോപ്പ്, ഗുണത്തില് മെച്ചപ്പെട്ടതും വിലയില് കുറവുള്ളതുമായ ഹാന്ഡ് വാഷ്, കാര്വാഷ്, ഡിഷ് വാഷ്, ക്ലോസറ്റ് വാഷ്, ക്ലോത്ത് വാഷ്, ഹെയര് ടോണ്, ബ്രഹ്മി ഓയില്, ഷാംപു, മുഖത്തുണ്ടാകുന്ന കരിമങ്ങല് രോഗത്തിനുള്ള ഫെയര്നസ് ഓയില് എന്നിവയും പ്രത്യേകം ശ്രദ്ധി ആകര്ഷിക്കുന്നു.
ഗാന്ധി സെന്റര് ഫോര് റൂറല് ഡെവലപ്പ്മെന്റും സ്വദേശി ട്രസ്റ്റും തിരുവനന്തപുരം വൈഎംസിഎയും സംയുക്തമായി തിരുവനന്തപുരം വൈഎംസിഎ ഹാളില് സംഘടിപ്പിച്ചിരിക്കുന്ന സ്വദേശി ഫെസ്റ്റിവല്പ്രദര്ശനം 23ന് സമാപിക്കും. ചക്ക ഉത്പന്ന നിര്മാണം 18, 19, 20, 21 തീയതികളിലും പ്രകൃതി കൃഷി പരിശീലനം 22, 23 തീയതികളിലും നടക്കും. വിവരങ്ങള്ക്ക് 9447154338, 9495954338.
