ചാലക്കുടി: പുഴയ്ക്കായ് സമര്പ്പിച്ച ജീവിതം. അതായിരുന്നു ഡോ.ലതയെ ശ്രദ്ധേയയാക്കിയത്. അതിരപ്പിള്ളി പദ്ധതിക്കെതിരായ സമരത്തിലെ മുന്നണി പോരാളിയായിരുന്നു.ഇവരുടെ സാന്നിധ്യമാണ് ആദിവാസി ഊരുകളിലെ സ്ത്രീകള്,കോളേജ് വിദ്യാര്ത്ഥികള് അടക്കമുള്ളവരെ സമര മുഖത്തേക്കെത്തിച്ചത്.
2005 മുതല് ചാലക്കുടി റിവര് പ്രൊട്ട്ക്ഷന് ഫോറവും അതിരപ്പിള്ളിആക്ഷന് കൗണ്സിലും സമര നേതൃത്വം ഏറ്റെടുത്തപ്പോള് ചുക്കാന് പിടിച്ചിരുന്നത് ഡോ.ലതയായിരുന്നു.
നദീസംരക്ഷണപ്രവര്ത്തനങ്ങള്ക്കായി സൗഭാഗ്യങ്ങളൊക്കെയും, ഉപേക്ഷിച്ച വ്യക്തിയായിരുന്നു ഡോ. എ. ലത. അതിരപ്പിള്ളി പദ്ധതി സൃഷ്ടിക്കാവുന്ന പരിസ്ഥിതി ആഘാതങ്ങളെക്കുറിച്ച് ആഴത്തില് പഠിക്കുകയും അവ കേന്ദ്രപരിസ്ഥിതി മന്ത്രാലയത്തിന്റെ ശ്രദ്ധയില് കൊണ്ടുവരാന് യത്നിക്കുകയും ചെയ്തു.
പാത്രക്കടവ്, മുല്ലപ്പെരിയാര്, പശ്ചിമഘട്ട സംരക്ഷണ പ്രവര്ത്തനങ്ങള് എന്നിവ സംബന്ധിച്ച കമ്മിറ്റികളില് ഡോ. ലത പ്രവര്ത്തിച്ചിരുന്നു.
നദികളിലെ നീരൊഴുക്കിനെക്കുറിച്ചും, അണക്കെട്ടുകളുടെ പാരിസ്ഥിതിക,സാമൂഹിക വശങ്ങളെക്കുറിച്ചും ആസ്ത്രേലിയ, മെക്സിക്കോ, തായ്ലന്റ,് നെതര്ലാന്റ് തുടങ്ങിയ രാജ്യങ്ങളില് പ്രബന്ധങ്ങളും അവതരിപ്പിച്ചിട്ടുണ്ട്. പരിസ്ഥിതി സംഘടനകള് ദല്ഹിയില് സംഘടിപ്പിച്ച കൂട്ടായ്മയില് വെച്ച് നദീ സംരക്ഷണ രംഗത്ത് ഏറ്റവും മികച്ച പ്രവര് ത്തനം നടത്തുന്ന രണ്ടു വ്യക്തികളെ ഭഗീരഥ പ്രയാസ് സമ്മാന് പുരസ്ക്കാരം നല്കി ആദരിച്ചതില് ഒന്ന് ഡോ.ലതയായിരുന്നു.
