ന്യൂദല്ഹി: ഗാന്ധിജിയുടെ സ്വപ്നം സാക്ഷാത്ക്കരിക്കാന് കോണ്ഗ്രസ് ഉപാദ്ധ്യക്ഷന് രാഹുല് ദളിത് പെണ്കുട്ടിയെ വിവാഹം കഴിക്കണമെന്ന് കേന്ദ്രമന്ത്രിയും ദളിത് നേതാവും റിപ്പബ്ളിക്കന് പാര്ട്ടി അധ്യക്ഷനുമായ രാംദാസ് അത്വാലെ. മഹാരാഷ്ട്രയിലെ അകോളയില് ഒരു പരിപാടിയില് പ്രസംഗിക്കുകയായിരുന്നു അദ്ദേഹം.
ജാതി വ്യവസ്ഥ ഇല്ലാതാക്കണമെങ്കില് മിശ്ര വിവാഹങ്ങള് നടക്കണം. അത്വാലെ പറഞ്ഞു. രാഹുല് ഇപ്പോള് പപ്പുവല്ല. പ്രചാരണത്തിന് നാടൊട്ടുക്ക് ഇറങ്ങുന്നുമുണ്ട്. നല്ല ആത്വിശ്വാസവുമുണ്ട്. രാഹുല് ദളിത് വീടുകളില് നിന്ന് ആഹാരം കഴിക്കുന്നുണ്ട്. അദ്ദേഹം ഇതുവരെ വിവാഹം കഴിച്ചിട്ടുമില്ല. അദ്ദേഹം ദളിത് പെണ്കുട്ടിയെ വിവാഹം കഴിക്കണം-അത്വാലെ പറഞ്ഞു.
നല്ല വിദ്യാഭ്യാസമുള്ള യോഗ്യരായ ധാരാളം പെണ്കുട്ടികള് ഞങ്ങളുടെ കൂട്ടത്തിലുണ്ട്. ആലോചനയ്ക്ക് സമ്മതിച്ചാല് മാത്രം മതി. ഞാന് ബ്രാഹ്മണ യുവതിയെയാണ് വിവാഹം കഴിച്ചത്. രാഹുല് ദളിത് യുവതിയെ വിവാഹം കഴിച്ച് സമൂഹത്തിന് മാതൃക കാട്ടണം. അത്വാലെ തുടര്ന്നു.
