ഗാന്ധിനഗര്: ഭീകരര്ക്ക് ജോലി നല്കിയ സംഭവത്തില് കോണ്ഗ്രസ് നേതാവ് അഹമ്മദ് പട്ടേല് ഉത്തരം പറയണമെന്ന് ഗുജറാത്ത് മുഖ്യമന്ത്രി വിജയ് രൂപാനി. അഹമ്മദ് പട്ടേലിന്റെ ഉടമസ്ഥതയില് ഉളള ആശുപത്രിയില് എങ്ങനെ രണ്ട് ഭീകരര്ക്ക് ജോലി നല്കിയെന്നും ഇതിന് അഹമ്മദ് പട്ടേല് രാജ്യത്തോട് ഉത്തരം പറയണമെന്നും അദ്ദേഹം പറഞ്ഞു.
എന്നാല് ഭീകരര് അറസ്റ്റിലാകുന്നതിന് രണ്ട് ദിവസം മുന്പ് ഇവരെ ജോലിയില് നിന്ന് പിരിച്ച് വിട്ടിരുന്നു. ഇവര്ക്ക് ഭീകര സംഘടനയുമായി ബന്ധമുളളതായി പട്ടേലിന് നേരത്തെ അറിയാമായിരുന്നോ എന്ന് വ്യക്തമാക്കണമെന്നും വിജയ് രൂപാനി ആവശ്യപ്പെട്ടു.
രണ്ട് ദിവസം മുമ്പ് ഭീകര വിരുദ്ധ സ്വാഡ് അറസ്റ്റ് ചെയ്ത മുഹമ്മദ് ഖാസിം എന്ന ഭീകരന് അഹമ്മദ് പട്ടേലിന് ബന്ധമുളള സര്ദാര് പട്ടേല് ആശുപത്രിയില് ഇക്കോ ടെക്നീഷ്യനായി ജോലിചെയ്യുകയായിരുന്നു എന്നും രൂപാനി പറഞ്ഞു.
പിടിയിലായവര് ക്ഷേത്രങ്ങള് ആക്രമിക്കാന് പദ്ധതിയിട്ടിരുന്നു. ഇവരെ പിടികൂടിയതോടെ ഒഴിവായത് വലിയൊരു വിപത്താണ് ഒഴിവായത്. ഭീകരരെ പിടികൂടിയ ഭീകര വിരുദ്ധ സേനയെ അഭിനന്ദിക്കുന്നു.
2014 ല് അഹമ്മദ് പട്ടേല് ആശുപത്രി അധികാരിയുടെ സ്ഥാനത്ത് നിന്നും രാജിവെച്ചെങ്കിലും രാജി കടലാസില് മാത്രമാണ് നിലനിന്നിരുന്നതെന്നും ഇതിന് തെളിവാണ് 2016 ല് ആശുപത്രി ഉദ്ഘാടന ചടങ്ങിലെ പട്ടേലിന്റെ ശ്രദ്ധേയമായ സാന്നിധ്യമെന്നും രൂപാനി പറഞ്ഞു.
