ചെന്നൈ: ഡെങ്കിപ്പനി പ്രതിരോധിക്കാനുള്ള മരുന്നു വിതരണം തടഞ്ഞ കമല്ഹാസനെതിരെ കേസ് എടുക്കാന് മദ്രാസ് ഹൈക്കോടതിയുടെ ഉത്തരവ്. പാര്ശ്വഫലങ്ങളുണ്ടെന്നും അതിനാല് നിലവെമ്പ് കുടിനീര് എന്ന പച്ചമരുന്ന് വിതരണം ചെയ്യരുതെന്നും തന്റെ ആരാധകരോട് കമല്ഹാസന് ടിറ്ററില് നിര്ദ്ദേശിച്ചിരുന്നു.
ഇതു ചൂണ്ടിക്കാട്ടി ജി ദേവരാജന് എന്നയാള് നല്കിയ ഹര്ജിയിലാണ് ക്രിമിനല് കേസ് എടുക്കാന് കോടതി ഉത്തരവ്. പരാതിയില് പ്രഥമദൃഷ്ട്യാ കഴമ്പുണ്ടെന്നും അതിനാല് കേസ് എടുത്ത് അന്വേഷണം നടത്താനുമാണ് കോടതി നിര്ദ്ദേശം. പച്ചമരുന്നിന് പാര്ശ്വഫലങ്ങളുണ്ടെന്ന് കമല് എന്തടിസ്ഥാനത്തിലാണ് പ്രഖ്യാപിച്ചതെന്ന് പരാതിക്കാരന് ചോദിക്കുന്നു.
കമല് മരുന്നു കഴിച്ച് വല്ല പ്രശ്നങ്ങളും ഉണ്ടായിട്ടുണ്ടെങ്കില് അതിന്റെ വിശദാംശങ്ങള് അദ്ദേഹം വെളിപ്പെടുത്തണം. അല്ലാതെ ഇത്തരം പ്രസ്താവനകള് നടത്തരുത്. പരാതിക്കാരന് ചൂണ്ടിക്കാട്ടുന്നു.
