പത്തനാപുരം: കെഎസ്ആര്ടിസി ബസും ടിപ്പര് ലോറിയും കൂട്ടിയിടിച്ച് പുനലൂര്-മൂവാറ്റുപുഴ പ്രധാനപാതയില് ഒരു മണിക്കൂറോളം ഗതാഗതം തടസ്സപ്പെട്ടു. കടയ്ക്കാമണ് പാലത്തിന് സമീപത്തായി ഇന്നലെ രാവിലെ ഒമ്പതു മണിയോടെയാണ് അപകടം നടന്നത്. പുനലൂരില് നിന്നും കാഞ്ഞിരപ്പള്ളിക്ക് പോവുകയായിരുന്ന ഓര്ഡിനറി ബസും കലഞ്ഞൂരില് നിന്നും പുനലൂര് ഭാഗത്തേക്ക് പോവുകയായിരുന്ന ലോറിയുമാണ് കൂട്ടി ഇടിച്ചത്. ലോറിയുടെ മുന്വശം പൂര്ണ്ണമായി തകര്ന്നു. ഡ്രൈവര് കലഞ്ഞൂര് സ്വദേശി ശ്രീകുമാര് അത്ഭുതകരമായാണ് രക്ഷപ്പെട്ടത്. ലോറിയിലുണ്ടായിരുന്ന ബംഗാള് സ്വദേശികളായ സാപ്പോസ്, ഫിറോയ്, സാനു എന്നിവര്ക്ക് നിസാര പരിക്കേറ്റു. ബസ്സ് യാത്രികരില് ചിലര്ക്കും പരിക്കേറ്റു. പുനലൂര്, പത്തനാപുരം എന്നിവിടങ്ങളില് നിന്നും ഫയര്ഫോഴ്സും പൊലീസും എത്തി വാഹനങ്ങള് വശത്തേക്ക് മാറ്റിയ ശേഷമാണ് ഗതാഗതം പുനരാരംഭിച്ചത്. അപകടം നടന്ന സ്ഥലത്ത് റോഡിന് വീതി കുറവും വശത്ത് വലിയ കുഴിയുമാണ്. കുഴിയില് വീണ് അപകടം വരാതിരിക്കാന് ടിപ്പര് ലോറി ഒരു വശത്തേക്ക് വെട്ടിത്തിരിച്ചതാണ് അപകട കാരണമെന്ന് പറയുന്നു. പത്തനാപുരം പൊലീസ് കേസെടുത്തു
ബസും ടിപ്പറും ഇടിച്ചു; ഗതാഗതം തടസപ്പെട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.