ന്യൂദല്ഹി: ഇന്ത്യയുടെ സൈനിക ചരിത്രത്തില് പുതിയ അധ്യായം രചിച്ച് മൂന്ന് വനിതാ പൈലറ്റുമാര് പരീശിലനം പൂര്ത്തിയാക്കി 2017 ഡിസംബറില് വ്യോമസേനയുടെ ഭാഗമാകും.
മോഹന സിംഗ്, ഭാവന കന്ദ്, അവാനി ചതുവേദി എന്നിവരാണ് പരിശീലനം പൂര്ത്തിയാക്കി യുദ്ധവിമാനം പറത്താനിറങ്ങുന്നത്. ഇന്ത്യന് വ്യോമ സേനയുടെ ചരിത്രം തിരുത്തിക്കുറിക്കാനായി കഠിന പരിശീലനത്തിലായിരുന്നു മൂന്നും വനിതകളെന്ന് വ്യോമ സേനാ മേധാവി മാര്ഷല് ദനോവ പറഞ്ഞു.
പരിശീലന കാലത്ത് മൂവരും സുഖോയ്, തേജസ് തുടങ്ങി ഇന്ത്യന് വ്യോമസേനയുടെ കരുത്തുറ്റ ജെറ്റുകള് പറത്തിയിരുന്നു. മൂവരും 150 മണിക്കൂര് വിമാനം പറത്തിയതായി വ്യോമസേന അധികൃതര് വ്യക്തമാക്കി. കര്ണാടകയിലെ ബിദറില് ഹ്വാക് ജെറ്റ് വിമാനങ്ങളിലും മൂവര്ക്കും പരിശീലനം നല്കിയിരുന്നു. 2017 ജൂണില് സൂപ്പസോണിക് യുദ്ധവിമാനത്തിന്റെ കോക്പിറ്റില് എത്തിയും ഇവര് പരിശീലനം നടത്തിയിരുന്നു
