തലശ്ശേരി: ജിഹാദി-ചുവപ്പ് ഭീകരതക്കെതിരെ ബിജെപി സംസ്ഥാന അധ്യക്ഷന് കുമ്മനം രാജശേഖരന് നയിക്കുന്ന ജനരക്ഷായാത്ര ഇന്ന് രാവിലെ മമ്പറം ടൗണില് നിന്ന് ആരംഭിച്ച് പിണറായി വഴി വൈകുന്നേരം 5 മണിയോടെ തലശ്ശേരി നഗരത്തില് പ്രവേശിക്കും. തുടര്ന്ന് പുതിയ ബസ്സ്റ്റാന്ററില് നടക്കുന്ന പൊതുസമ്മേളനത്തില് ബിജെപി ദേശീയ അധ്യക്ഷന് അമിത്ഷാ പ്രസംഗിക്കും. പതിനായിരങ്ങള് എത്തിച്ചേരുന്ന തലശ്ശേരിയിലെ സ്വീകരണ പരിപാടി ചരിത്രസംഭവമാക്കുന്നതിന്റെ ഭാഗമായി നഗരം ഹരിതകുങ്കുമ വര്ണ്ണത്താല് അലംകൃതമായിരിക്കുകയാണ്.
ബലിദാനികളുടെ മണ്ണിലെത്തുന്ന അഖിലേന്ത്യാ അധ്യക്ഷന് അമിത്ഷായെയും ഇത സംസ്ഥാന മുഖ്യമന്ത്രിമാരെയും, എംപി, എംഎല്എ മാരെയും പാര്ട്ടി ദേശീയ സംസ്ഥാന നേതാക്കളെയും സ്വീകരിക്കുന്നതിനായി അരയുംതലയും മുറുക്കി നൂറുകണക്കിന് പ്രവര്ത്തകര് ദിവസങ്ങളായി രാപ്പകല് പ്രവര്ത്തിച്ചുവരികയാണ്.
പുതിയ ബസ്സ്റ്റാന്റിലുള്ള ഓപ്പണ് സ്റ്റേജില് തയ്യാറാക്കിയിട്ടുള്ള മനോഹരമായ വേദിയുടെ മുന്നിലായി മാര്ക്സിസ്റ്റ് നരാധമന്മാരുടെ കൊലക്കത്തിയില് പിടഞ്ഞുവീണ വീരബലിദാനികളായ സംഘപരിവാര് പ്രവര്ത്തകരുടെ ഛായാചിത്രവും ഒരുക്കിയിട്ടുണ്ട്. ഇതില് ബിജെപിയുടെ തലശ്ശേരി മണ്ഡലം പ്രസിഡണ്ടായിരുന്ന എം.കെ.ലക്ഷ്മണന്റെ പേരാണ് പൊതുസമ്മേളന സ്ഥലത്തിന് നല്കിയിട്ടുള്ളത്. ഇന്ന് രാവിലെ മമ്പറത്തുനിന്നാരംഭിക്കുന്ന ജനരക്ഷായാത്രയില് പങ്കെടുക്കുന്ന ആയിക്കണക്കിന് പ്രവര്ത്തകര്ക്ക് സംസ്ഥാന മുഖ്യമന്ത്രി പിണറായി വിജയന്റെ വീടിന് സമീപത്താണ് പ്രഭാതഭക്ഷണം ഒരുക്കിയിട്ടുള്ളത്. പിതിനൊന്നര മണിയോടെ ചായകഴിച്ചതിന് ശേഷം പിണറായി ടൗണിനടുത്ത് സിപിഎം ക്രിമിനല്സംഘം വെട്ടിക്കൊലപ്പെടുത്തിയ ഉത്തമന്റെയും മകന് രമിത്തിന്റെയും വീടിന് മുന്നിലൂടെ യാത്ര തുടരും. ഇതിനിടെ അമിത്ഷാ രമിത്തിന്റെ വീട്ടില് കയറി ഉത്തമന്റെ ഭാര്യയും രമിത്തിന്റെ അമ്മയുമായ നാരായണിയെയും സഹോദരി രമിഷയെയും കാണുകയും ചെയ്യും.
ഉച്ചക്ക് നിട്ടൂര്പാലത്തിലാണ് യാത്രയില് അണിനിരക്കുന്ന പതിനായിരത്തോളംപേര്ക്കുള്ള ഉച്ചഭക്ഷണം ഏര്പ്പാടാക്കിയിരിക്കുന്നത്. ഉച്ചഭക്ഷണത്തിന് ശേഷം കൊടുവള്ളി തലശ്ശേരി പഴയബസ്സ്റ്റാന്റ്, ലോഗന്സ് റോഡ് വഴി സ്വീകരണ സ്ഥലമായ തലശ്ശേരി പുതിയബസ്സ്റ്റാന്റിലെ എം.കെ.ലക്ഷ്മണന് നഗറില് പൊതുമ്മേളനം നടക്കും. ബലിദാനികളുടെ ഛായാചിത്രത്തില് പുഷ്പാര്ച്ചന നടത്തിയശേഷം അമിത്ഷായും കുമ്മനം രാജശേഖനും മറ്റു നേതാക്കളും ജനങ്ങളെ അഭിസംബോധന ചെയ്യും.
