കൊച്ചി: ആര്എസ്എസ് മുന് അഖിലഭാരതീയ ബൗദ്ധിക്ക് പ്രമുഖ് ആര്.ഹരി രചിച്ച ഭാസ്കര്റാവു, പ്രചാരക കര്മ്മയോഗി എന്ന പുസ്തകത്തിന്റെ പ്രകാശനം ഇന്ന് വൈകിട്ട് 6.30ന് എളമക്കര ഭാസ്കരീയത്തില് നടക്കും. എറണാകുളത്തെ ആദ്യകാല ആര്എസ്എസ് പ്രവര്ത്തകനും ആദ്യശാഖാ മുഖ്യശിക്ഷകുമായ അഡ്വ.റായഷേണായ്, ആര്എസ്എസ് കൊച്ചി മഹാനഗര് സഹസംഘചാലക് അഡ്വ.പി.വിജയകുമാറില് നിന്നും പുസ്തകം സ്വീകരിച്ച് പ്രകാശനം നിര്വ്വഹിക്കും.
കേരളത്തിലെ ആര്എസ്എസ്സിന്റെ ആദ്യ പ്രാന്തപ്രചാരക് എന്നതിലുപരി പ്രവര്ത്തകര് എന്നും സ്നേഹത്തോടെ ഓര്ക്കുന്ന ഭാസ്കര്റാവുവിന്റെ ജീവിതമാണ് ആര്.ഹരി പുസ്തകത്തില് പ്രതിപാദിക്കുന്നത്. പ്രകാശന ചടങ്ങില് കേസരി മുഖ്യപത്രാധിപര് ഡോ.എന്.ആര്.മധു ആമുഖ പ്രഭാഷണം നടത്തും. ആര്.ഹരി ഭാസ്കര്റാവുവിനെ അനുസ്മരിക്കും.
നാളെ വൈകിട്ട് 7ന് കൂവപ്പാടം വൈഎന്പി ട്രസ്റ്റിലും പ്രകാശന ചടങ്ങ് നടക്കും. കൊച്ചിയിലെ ആദ്യകാല ആര്എസ്എസ് പ്രവര്ത്തകനായ സി. ദിവാകരറാവു, ഡ്രഗ്സ് കണ്ട്രോളറായി വിരമിച്ച വി.എസ്.പരശുരാമിന് പുസ്തകം നല്കി പ്രകാശനം ചെയ്യും. ആര്.ഹരി ഭാസ്കര്റാവു അനുസ്മരണവും ഡോ.എന്.ആര്.മധു ആമുഖ പ്രഭാഷണവും നടത്തും.
