അമ്പലപ്പുഴ: ദുരിതാശ്വാസ ക്യാമ്പില് ദിവസങ്ങളായി വൈദ്യുതി ഇല്ല, ഒരു കുടുംബം ദുരിതത്തില്. അമ്പലപ്പുഴ വടക്കു പഞ്ചായത്ത് ഒന്നാം വാര്ഡ് മാധവന് മുക്ക് പുതുവല് വികലാംഗനായ അനിരുദ്ധനും കുടുംബവുമാണ് ദുരിതമനുഭവിക്കുന്നത്. മൂന്ന് വര്ഷം മുമ്പുണ്ടായ കടല്ക്ഷോഭത്തില് വീടും സ്ഥലവും നഷ്ടപ്പെട്ട ഈ കുടുംബം അമ്പലപ്പുഴ കെ.കെ. കുഞ്ചുപിള്ള സ്കൂളിലെ ദുരിതാശ്വാസ ക്യാമ്പില് ഒറ്റമുറിക്കുള്ളിലാണ് കഴിയുന്നത്. ജീവിതദുരിതത്തിനിടയില് വൈദ്യുതിയും നിലച്ചതോടെ ഇവിടെ താമസിക്കാന് കഴിയാത്ത അവസ്ഥയാണ്. പുതുതായി ലഭിച്ച റേഷന് കാര്ഡ് ദാരിദ്ര്യ രേഖക്ക് മുകളിലായതും തിരിച്ചടിയായി. ഇത് മൂലം മറ്റു സഹായങ്ങളും ലഭിക്കുന്നില്ല. വൈദ്യുതി ഇല്ലാത്തതിനാല് ഉറങ്ങാന് കഴിയാതെ നേരം വെളുപ്പിക്കുകയാണെന്ന് അനിരുദ്ധന്റെ ഭാര്യ രാധ പറയുന്നു.
ദുരിതാശ്വാസ ക്യാമ്പില് വൈദ്യുതി ഇല്ല
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.