കണ്ണൂര്: ‘ആരോഗ്യമുള്ള യുവത-സന്നദ്ധ രക്തദാന ശീലത്തിലേക്ക്’ എന്ന സന്ദേശവുമായി സംഘടിപ്പിപ്പിക്കുന്ന ദേശീയ സന്നദ്ധ രക്തദാന ദിനത്തിന്റെ സംസ്ഥാനതല ഉദ്ഘാടനം ഇന്ന് കണ്ണൂരില് നടക്കും. രാവിലെ പത്തിന് ജില്ലാ പഞ്ചായത്ത് ഹാളില് മന്ത്രി കെ.കെ.ശൈലജ ഉദ്ഘാടനം ചെയ്യും. സന്നദ്ധ രക്തദാന ദിനത്തോടനുബന്ധിച്ച് വിവിധ സ്ഥലങ്ങളില് രക്തദാന ക്യാമ്പുകളും ബോധവത്ക്കരണ പരിപാടികളും സംഘടിപ്പിക്കുമെന്ന് സംസ്ഥാന എയ്ഡ്സ് നിയന്ത്രണ സൊസൈറ്റി പ്രൊജക്ട് ഡയറക്ടര് ഡോ.ആര്.രമേഷ് വാര്ത്താസമ്മേളനത്തില് അറിയിച്ചു. സംസ്ഥാനത്ത്് പ്രതിവര്ഷം ശരാശരി നാലരലക്ഷം യൂണിറ്റ് രക്തം ആവശ്യമായി വരുന്നു. ഇതില് സന്നദ്ധ രക്തദാതാക്കളില് നിന്ന ലഭിച്ചിട്ടുള്ളത് 40 ശതമാനം മാത്രമാണ്. 2020 ആകുമ്പോള് ആവശ്യമായി വരുന്ന രക്തം 100 ശതമാനവും രക്തദാതാക്കളില് നിന്ന് ശേഖരിക്കുവാനാണ് സംസ്ഥാനത്തിന്റെ ലക്ഷ്യം. ആരോഗ്യമുള്ള ഓരോ വ്യക്തിയും കൃത്യമായ ഇടവേളകളില് ആവര്ത്തിച്ച് രക്തദാനം ചെയ്താല് മാത്രമേ രക്തത്തിന്റെ ലഭ്യതയും സുരക്ഷിതത്വവും ഉറപ്പാക്കാനാകൂ എന്ന സന്ദേശം ജനങ്ങളില് എത്തിക്കാന് ഈ ദിനം സഹായകരമാകും. വാര്ത്താസമ്മേളനത്തില് ഡെപ്യൂട്ടി ജില്ലാ മെഡിക്കല് ഓഫീസര് ഡോ.എ.ടി.മനോജ്, ജി.സുനില്കുമാര്, ജോസ് ജോണ് എന്നിവരും പങ്കെടുത്തു.
