കണ്ണൂര്: കണ്ണൂര് സര്വ്വകലാശാല നാഷണല് സര്വ്വീസ് സ്കീമിന്റെ ആഭിമുഖ്യത്തില് ജൈവവൈവിധ്യ ഉദ്യാനമൊരുക്കുന്നു. താവക്കരയില് സര്വകലാശാലാആസ്ഥാനത്ത് നാട്ടുമാവിന് തോട്ടത്തിനരികിലായാണ് ഉദ്യാനമൊരുക്കുന്നത്.ഗാന്ധിജയന്തി ദിനമായ ഒക്ടോബര് രണ്ടിന് രാവിലെ പത്തിന് പ്രൊ. വൈസ് ചാന്സിലര് ഡോ.ടി.അശോകന് വൃക്ഷത്തൈ നട്ട് നടീല് ഉദ്ഘാടനം നിര്വഹിക്കും. രജിസ്ട്രാര് ഡോ.ബാലചന്ദ്രന് കീഴോത്ത് അധ്യക്ഷത വഹിക്കും.തുടര്ന്ന് ചെറുശ്ശേരി ഓഡിറ്റോറിയത്തില് ജൈവവൈവിധ്യം എന്ത് എങ്ങനെ എന്ന വിഷയത്തില് സര്വ്വകലാശാലാതല സെമിനാറും നടത്തും. പരിസ്ഥിതി സംബന്ധമായ ഡോക്യുമെന്ററികളുടെ പ്രദര്ശനവും ചര്ച്ചയും നടത്തും. 82 എന്എസ്എസ് യൂണിറ്റുകളില് നിന്നും തെരഞ്ഞെടുക്കപ്പെട്ട 250 വളണ്ടിയര്മാര് പങ്കെടുക്കും.
ഇത്തവണ ഗാന്ധിജയന്തിയോടനുബന്ധിച്ച് മുഴുവന് കോളേജിലും ജൈവ വൈവിധ്യ ഉദ്യാനമൊരുക്കാനാണ് എന്എസ്എസ് സംസ്ഥാന തലത്തില് തീരുമാനിച്ചിട്ടുള്ളത്.ഔഷധച്ചെടികളും ഫലവൃക്ഷത്തൈകളും വിവിധ കോളേജുകളില് നിന്നെത്തുന്ന കുട്ടികള് സര്വ്വകലാശാലാ വളപ്പില് നടും.ഓരോ കാമ്പസിലും ലഭ്യമായ സ്ഥലം വച്ച് എന് എസ് എസ് ജൈവവൈവിധ്യ ഉദ്യാനമൊരുക്കും നടുന്നതിനു പുറമെ പ്രകൃതിപരമായതിനെ സംരക്ഷിക്കും.ഇതിനാവശ്യമായ ബോധവല്ക്കരണ പരിപാടികള് മുഴുവന് യൂണിറ്റുകളിലും നടത്തുമെന്ന് സര്വ്വകലാശാലാ തല എന്എസ്എസ് പ്രോഗ്രാം കോഓര്ഡിനേറ്റര് പത്മനാഭന് കാവുമ്പായി അറിയിച്ചു.
