കണ്ണൂര്: സിപിഎം അക്രമ രാഷ്ട്രീയത്തില് നിരവധിപേരുടെ ജീവന്പൊലിഞ്ഞ് പോയ പിണറായിയില് പ്രവര്ത്തകരോടൊപ്പം അണിനിരക്കാന് ബിജെപി ദേശീയ അധ്യക്ഷന് അമിത്ഷായും. അഞ്ചിന് മമ്പറത്ത് നിന്നാരംഭിച്ച് തലശ്ശേരിയില് സമാപിക്കുന്ന ജനരക്ഷാ യാത്രയില് മുഴുവന് സമയവും കാല് നടയായി അമിത്ഷായും പങ്കാളിയാകും. സിപിഎം അക്രമത്തില് നിരവധിപ്പേര്ക്ക് ജീവന് നഷ്ടപ്പെട്ട പ്രദേശമാണ് പിണറായി. സമാനതകളില്ലാത്ത അക്രമ പരമ്പരകള്ക്ക് ഇരയാകേണ്ടിവന്നിട്ടും അല്പം പോലും വീര്യം ചോര്ന്ന് പോകാതെ ദേശീയപ്രസ്ഥാനങ്ങളെ നെഞ്ചോട് ചേര്ത്ത് വെയ്ക്കുന്നവരാണ് പിണറായിയിലെ ജനത. ദേശീയ പ്രസ്ഥാനങ്ങളുടെ കൂടെ നിന്നതിനാല് അച്ഛനെയും മകനയും തേടിപ്പിടിച്ച് പരസ്യമായി പകല് വെളിച്ചത്തില് അറുകൊല ചെയ്തവരാണ് പിണറായിയില സിപിഎമ്മുകാര്. ചാവശ്ശേരി ഉത്തമനും മകന് രമിത്തും ഇന്നും കേരള ജനതയുടെ നെഞ്ചിലെ വിങ്ങുന്ന ഓര്മ്മയാണ്. സിപിഎം അക്രമത്തില് ജീവഛവമായി ജീവിക്കുന്നവര് നിരവധിയുണ്ട്. അധികാരത്തിന്റെ ഹുങ്കില് പിണറായിയിലും പരിസരപ്രദേശത്തും നിരവധി ബിജെപി പ്രവര്ത്തകരുടെ വീടുകളും കൃഷിയിടങ്ങളും സിപിഎം സംഘം നശിപ്പിച്ചിട്ടുണ്ട്. എല്ലാം നഷ്ടപ്പെട്ട് പ്രതീക്ഷയറ്റ് നിന്ന പിണറായിയിലെ വീട്ടമ്മമാരുടെ ചിത്രം ദേശീയ ശ്രദ്ധയാകര്ഷിച്ചിരുന്നു. പിണറായിയിലും പരിസര പ്രദേശങ്ങളിലും സിപിഎം അല്ലാത്ത മറ്റ് സംഘടനകള്ക്ക് പ്രവര്ത്തന സ്വാതന്ത്ര്യം നിഷേധിക്കപ്പെട്ട ഒരു കാലഘട്ടമുണ്ടായിരുന്നു. എന്നാല് ഇന്ന് അത്തരം പ്രദേശങ്ങളിലും ഹരിത കുങ്കുമ പതാകകള് പാറിപ്പറക്കുന്നത് അഭിമാനത്തോടെ കാണാന് സാധിക്കും. ഒരു ഭാഗത്ത് കമ്മ്യൂണിസ്റ്റുകാരും മറുഭാഗത്ത് ജിഹാദികളും നടത്തുന്ന അക്രമങ്ങളെ അതിജീവിച്ചാണ് ദേശീയ പ്രസ്ഥാനങ്ങളില് വിശ്വസിക്കുന്നവര് പിണറായിയില് ജീവിക്കുന്നത്. ഇപ്പോള് ജിഹാദി കമ്മ്യൂണിസ്റ്റ് ഭീകരതക്കെതിരെ ബിജെപി സംസ്ഥാന അധ്യക്ഷന് കുമ്മനം രാജശേഖരന് ജനരക്ഷാ യാത്ര സംഘടിപ്പിക്കുമ്പോള് അത് ചരിത്ര സംഭവമാക്കാനുള്ള തയ്യാറടുപ്പിലാണ് പ്രവര്ത്തകര്.
പിണറായിയിലെ ബലിദാനികളുടെ മണ്ണില് പ്രവര്ത്തകരോടൊപ്പം അമിത്ഷായും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.