ന്യൂദല്ഹി; നോട്ട് അസാധുവാക്കലും ചരക്ക് സേവന നികുതിയും സമ്പദ് വ്യവസ്ഥയെ ഗുരുതരമായി ബാധിച്ചെന്ന ആരോപണത്തിനു ചുട്ട മറുപടിയുമായി വിവേക് ദെബ്രോയി. സമ്പദ് വ്യവസ്ഥ ഗുരുതരാവസ്ഥയിലൊന്നുമല്ല, അത് വെറും ജലദോഷമാണ്. മുന്ധനമന്ത്രി യശ്വന്ത് സിന്ഹയ്ക്ക് മറുപടിയായി നിതി ആയോഗ് അധ്യക്ഷനും പ്രധാനമന്ത്രിയുടെ സാമ്പത്തിക ഉപദേശക സമിതി അധ്യക്ഷനുമായ വിവേക് പറഞ്ഞു.
സമ്പദ് വ്യവസ്ഥയില് മുന്പുള്ള പോലുള്ള ചില ചെറിയ പ്രശ്നങ്ങളേയുള്ളു. അതില് ആശങ്കപ്പെടാനുമില്ല. യശ്വന്ത് പ്ളേസ് എന്ന ഒരു സ്ഥലമുണ്ട്. അവിടെയുള്ള ഒരു ഡോക്ടറെ കാണിച്ചു. വളരെ ഗുരുതരമായ പ്രശ്നമാണെന്നാണ് അദ്ദേഹം പറഞ്ഞത്. ചിക്കുന് ഗുനിയയാണ്, താങ്കള് മരിച്ചേക്കാമെന്നുവരെ അദ്ദേഹം പറഞ്ഞു. പക്ഷെ അത് വെറും ജലദോഷമാണെന്ന് എനിക്കറിയാം. അദ്ദേഹം എന്ഡിടിവിക്കു നല്കിയ അഭിമുഖത്തില് പറഞ്ഞു.
