തിരുവനന്തപുരം: ജില്ലാപഞ്ചായത്തിന്റെ നേതൃത്വത്തിലുള്ള ജലസമൃദ്ധി പദ്ധതിയുടെ ഉദ്ഘാടനം വ്യാഴാഴ്ച്ച മുഖ്യമന്ത്രി പിണറായി വിജയന് നിര്വഹിക്കും. രാവിലെ 10ന് ജിമ്മിജോര്ജ് ഇന്ഡോര് സേറ്റഡിയത്തില് നടക്കുന്ന ചടങ്ങില് മന്ത്രിമാരായ കടകംപ്പള്ളി സുരേന്ദ്രന്, കെ.ടി. ജലീല്, മാത്യൂ ടി. തോമസ്, വി.എസ്. സുനികുമാര്, പ്രതിപക്ഷാ നേതാവ് രമേശ് ചെന്നിത്തല തുടങ്ങിയവര് പങ്കെടുക്കുമെന്ന് ജില്ലാ പഞ്ചായത്ത് പ്രസിഡന്റ് വി.കെ. മധു പത്രസമ്മേളനത്തില് പറഞ്ഞു. ത്രിതല പഞ്ചായത്തുകളുടെ പദ്ധതി വിഹിതമായി 3.41 കോടിയും മഹാത്മാഗാന്ധി ദേശീയ തൊഴിലുറപ്പ് പദ്ധതിയുടെ ഭാഗമായി 161 കോടിയും മൈനര് ഇറിഗേഷന്, ജലവിഭവവകുപ്പ്, മണ്ണ് ജല സംരക്ഷണ വകുപ്പ് തുടങ്ങിയവയുടെ വിഹിതമായ 30 കോടിയും ഉള്പ്പെടെ 200 കോടിയാണ് ആദ്യഗഡുവായി പദ്ധതിക്കായി നീക്കിവെച്ചിരിക്കുന്നത്. ജില്ലയിലെ നാല് ലക്ഷം കിണറുകളും സമ്പൂര്ണാമായി റീ ചാര്ജ് ചെയ്യും. പത്രസമ്മേളനത്തില് ജില്ല പഞ്ചായത്ത് വൈ. പ്രസിഡന്റ് ഷൈലജ ബീഗം, ആരോഗ്യ സ്റ്റാന്റിങ് കമ്മിറ്റി ചെയര്മാന് രഞ്ജിത്, സെക്രട്ടറി ചന്ദ്രശേഖരന് നായര്, പ്രോജക്ട് കോര്ഡിനേറ്റര് ഡോ. സുഭാഷ് ചന്ദ്രന് തുടങ്ങിയവരും പങ്കെടുത്തു.
പ്രതികരിക്കാൻ ഇവിടെ എഴുതുക: