തളിപ്പറമ്പ്: നരിക്കോട് തൃക്കോവില് മഹാവിഷ്ണു ക്ഷേത്രത്തില് നവരാത്രി പൂജകള് വിവിധ ചടങ്ങുകളോടെ നടക്കും. 28ന് ദുര്ഗ്ഗാഷ്ടമി നാളില് രാവിലെ 6 മണിക്ക് ഗണപതിഹോമം, വിഷ്ണു സഹസ്രനാമ സ്തോത്രപാരായണം. വൈകുന്നേരം 6 മണിക്ക് ലളിത സഹസ്രനാമ സ്തോത്ര പാരായണം, ഗ്രന്ഥം വയ്പ്പ്, സരസ്വതിപൂജ, നിറമാല, 29ന് മാഹനവമി നാളില് രാവിലെ സരസ്വതി പൂജ, വിഷ്ണു സഹസ്രനാമ സ്തോത്രപാരായണം. വൈകുന്നേരം 6 മണിക്ക് ലളിത സഹസ്രനാമ സ്തോത്ര പാരായണം, ഭജന. 30ന് വിജയദശമി നാളില് രാവിലെ സരസ്വതിപൂജ, വിദ്യാരംഭം, വാഹനപൂജ, പൂക്കോത്ത് തെരു ശ്രീഭഗവതി ക്ഷേത്രത്തില് 28ന് ഗ്രന്ഥം വെപ്പ്, രാവിലെ 7.30ന് പ്രത്യേകം തയ്യാറാക്കിയ സരസ്വതി മണ്ഡപത്തില് ഭദ്രദീപ പ്രതിഷ്ഠ, തുടര്ന്ന് കൊട്ടാരക്കര വിഷ്ണു ദത്തന് നമ്പൂതിരിപ്പാടിന്റെ മുഖ്യകാര്മ്മികത്വത്തില് ദേവീപൂജ, 28, 29 തീയ്യതികളില് വൈകുന്നേരം 5.30ന് ദേവീപൂജ, ഗ്രന്ഥപൂജ, ബാലികാപൂജ, കുമാരീപൂജ, പ്രൗഡപൂജ, ദുര്ഗ്ഗാഷ്ടമി പൂജ, നവദുര്ഗ്ഗപൂജ, നവാക്ഷരി പൂജ എന്നിവയും നടക്കും.
29ന് വൈകുന്നേരം മഹാനവി, ഗ്രന്ഥപൂജ, വാഹനപൂജ. 30ന് രാവിലെ 7 മണി മുതല് ജയദുര്ഗ്ഗ പൂജ, സരസ്വതി പൂജ, ദശമിപൂജ എന്നീ വിശേഷ പൂജകളും നടക്കും.
തൃച്ചംബരം ശ്രീദുര്ഗ്ഗാഭഗവതിക്ഷേത്രത്തില് എല്ലാ ദിവസവും വൈകുന്നേരം 6.30ന് ദീപാരാധനയും 7 മണിക്ക് നിറമാലയും ഉണ്ടായിരിക്കും. തുടര്ന്ന് വിവിധ കലാപരിപാടികള്, 28ന് ഗ്രന്ഥം വെപ്പ്, 30ന് രാവിലെ 8 മണിക്ക് സരസ്വതി പൂജ, ഗ്രന്ഥമെടുപ്പ്, 8.30 മുതല് വിദ്യാരംഭം എന്നിവ നടക്കും. വിജയദശമി ദിവസം ഉച്ചയ്ക്ക് ഭക്തജനങ്ങള്ക്ക് അന്നദാനം ഉണ്ടായിരിക്കും. വിദ്യാരംഭം രജിസ്റ്റര് ചെയ്യുന്നതിന് 9744258322 എന്ന നമ്പറില് വിളിക്കണം.
പുളിമ്പറമ്പ് ശ്രീകൃഷ്ണ-ദുര്ഗ്ഗാ ക്ഷേത്രത്തില് ഇന്ന് വൈകുന്നേരം 7 മണിക്ക് പുളിമ്പറമ്പ് രാഗമാലിക അവതരിപ്പിക്കുന്ന സംഗീതാര്ച്ചന, നാളെ വൈകുന്നേരം 7 മണിക്ക് അഡ്വ.എം.എം.ഷിജിത്ത് നടത്തുന്ന അദ്ധ്യാത്മിക പ്രഭാഷണം, 28ന് വൈകുന്നേരം ഗ്രന്ഥംവെപ്പ്, വിളക്ക് പൂജ, 29ന് വൈകുന്നേരം ഗ്രന്ഥപൂജ, വാഹനപൂജ, കരോക്കെ ഭക്തിഗാനമേള. 30ന് രാവിലെ ഗ്രന്ഥമെടുപ്പ്, വാഹനപൂജ. രാവിലെ 9.30 മുതല് വിദ്യാരംഭം എന്നിവ നടക്കും.
