കോഴഞ്ചേരി: ഉതൃട്ടാതി ജലമേളയില്‍ എ ബാച്ചില്‍ ഒന്നാം സ്ഥാനം കരസ്ഥമാക്കിയ മല്ലപ്പുഴശ്ശേരി പള്ളിയോടത്തിന് മന്നം ട്രോഫി നല്‍കാത്തതില്‍ പ്രതിഷേധിച്ച് മല്ലപ്പുഴശേരി ശ്രീപാര്‍ത്ഥസാരഥി പള്ളിയോട കരയോഗത്തിന്റെ നേതൃത്വത്തില്‍ പ്രതിഷേധ പ്രകടനവും സമ്മേളനവും നടത്തി.
ആറന്മുള മൂര്‍ത്തിട്ട ഗണപതി ക്ഷേത്രത്തിനുമുമ്പില്‍ നിന്നുമാരംഭിച്ച പ്രകടനം തറയില്‍മുക്ക്, വഞ്ചിപ്പടി വഴി ക്ഷേത്ര കിഴക്കേനടയില്‍ പുത്തരിയാലിന് സമീപം സമാപിച്ചു. തുടര്‍ന്ന് നടന്ന പ്രതിഷേധ സമ്മേളനം മുന്‍ എംഎല്‍എ എ. പത്മകുമാര്‍ ഉദ്ഘാടനം ചെയ്തു. മല്ലപ്പുഴശ്ശേരി കരയോഗം പ്രസിഡന്റ് ശശീന്ദ്രന്‍നായര്‍ അധ്യക്ഷത വഹിച്ചു. ന്രൂറുകണക്കിനാളുകള്‍ പ്രകടനത്തിലും സമ്മേളനത്തിലും പങ്കെടുത്തു.
