ആറന്മുള: പള്ളിയോടങ്ങള്ക്ക് ഭക്തര് സമര്പ്പിക്കുന്ന വള്ളസദ്യ വഴിപാടുകള് അഞ്ഞൂറ് പിന്നിട്ടു. കഴിഞ്ഞ വര്ഷം മുതല് വള്ളസദ്യ വഴിപാടുകള് ഏകജാലക സംവിധാനത്തിലൂടെ നടത്താനാരംഭിച്ചതോടെ വഴിപാട് സമര്പ്പിക്കുന്ന ഭക്തരില് വന് വര്ദ്ധനവാണുണ്ടായത്. വിവിധ ഇടങ്ങളില് വഴിപാടിന്റെ ഭാഗമായി വിനിയോഗിക്കേണ്ട പണം ഭക്തര്ക്ക് പള്ളിയോട സേവാസംഘത്തില് സമര്പ്പിക്കാനും സംഘത്തിന്റെ മേല്നോട്ടത്തില് മറ്റ് ചൂഷണങ്ങളില്ലാതെ നടത്താന് സാധിക്കുന്നതുമാണ് ഏകജാലക സംവിധാനത്തിന്റെ പ്രയോജനം. കഴിഞ്ഞ വര്ഷം 487 വഴിപാട് വള്ളസദ്യകളാണ് നടന്നത്. ഇത്തവണ ബുക്കിംഗ് 500 പിന്നിട്ടു. ഇനിയുള്ള 10 ദിവസത്തിനുള്ളിലും ഭക്തര്ക്ക് വള്ളസദ്യ വഴിപാട് സമര്പ്പിക്കാവുന്നതാണ്. അടുത്ത വര്ഷത്തേക്കുള്ള വള്ളസദ്യ ബുക്കിംഗ് ഒക്ടോബര് മൂന്ന് മുതല് ആരംഭിക്കും.
വള്ളസദ്യ വഴിപാടുകള് അഞ്ഞൂറ് പിന്നിട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.