കണ്ണൂര്: സനാതന ധര്മ്മത്തെക്കുറിച്ച് സാധാരണക്കാര്ക്കിടയില് അവബോധം സൃഷ്ടിക്കുന്നതില് ആദ്ധ്യാത്മിക പ്രഭാഷക സമിതി വഹിക്കുന്ന പങ്ക് ശ്ലാഘനീയമാണെന്ന് സ്വാമി അമൃതകൃപാനന്ദപുരി അഭിപ്രായപ്പെട്ടു. സമിതിയുടെ മൂന്നാം വാര്ഷിക സമ്മേളനം ഇരിവേരി അമ്പിളിയാട്ട് ശ്രീകൃഷ്ണക്ഷേത്രത്തില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രഭാഷക സമിതി പ്രസിഡണ്ട് കെ.എന്.രാധാകൃഷ്ണന് മാസ്റ്റര് അധ്യക്ഷത വഹിച്ചു. കാനപ്രം കേശവന് നമ്പൂതിരി, കെ.കെ.ചൂളിയാട്, ഹരികൃഷ്ണന് ആലച്ചേരി എന്നിവര്ക്ക് വാഗീശ പുരസ്കാരം നല്കി ആദരിച്ചു. പഠനസഹായം, ദമ്പതിമാര്ക്ക് വസ്ത്രദാനം, അന്നദാനം, ചികിത്സാസഹായം എന്നിവ ചടങ്ങില് നടന്നു. ശ്രീകൃഷ്ണപ്രഭാവം പ്രഭാഷണ പരമ്പരയില് ഭഗവത്ഗീത, ഭാഗവതം, മഹാഭാരതം എന്നിവയെ ആസ്പദമാക്കി ടി.ഉണ്ണികൃഷ്ണവാര്യര് പട്ടാന്നൂര്, ഹരികൃഷ്ണന് ആലച്ചേരി, കെ.എന്.രാധാകൃഷ്ണന് മാസ്റ്റര് എന്നിവര് പ്രഭാഷണം നടത്തി. കാനപ്രം ഈശ്വരന് നമ്പൂതിരി, ദേവരാജന് നമ്പൂതിരി, എം.വി.പുഷ്പജ, പി.ശിവദാസന് മാസ്റ്റര്, കെ.എം.രാമചന്ദ്രന് നമ്പ്യാര് തുടങ്ങിയവര് സംസാരിച്ചു.
സനാതന ധര്മ്മ പ്രചാരണത്തിന് ആദ്ധ്യാത്മിക പ്രവര്ത്തക സമിതിയുടെ സേവനം ശ്ലാഘനീയം: സ്വാമി അമൃതകൃപാനന്ദപുരി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.