വെള്ളറട: ആശുപത്രിയിലെ കട്ടിലുകള്, ട്രിപ്പ്സ്റ്റാന്റ്റുകള് , ബയോമെഡിക്കല് ഉപകരണങ്ങള് തുടങ്ങിയവക്ക് പുനര് ജീവന് നല്കി ആശുപത്രിയെ മോടിപിടിപ്പിക്കാന് ശ്രമിക്കുകയാണ് ഒരുകൂട്ടം വിദ്യാര്ത്ഥികള്. നെയ്യാറ്റിന്കര ഗവ.പോളിടെക്നിക്കിലെ മുപ്പത്തി ഏഴ് എന്.എസ്.എസ് വാളിന്റര് മാരാണ് നവീകരണ പ്രവര്ത്തനങ്ങള്ക്കു ചുക്കാന് പിടിക്കുന്നത്. എന് എസ്.എസ് ടെക്നിക്കല് സെല്ലിന്റെ പുനര്ജ്ജനി പദ്ധതിയില് ഉള്പ്പെടുത്തിയാണ് സേവനം നടത്തുന്നത്. ആദിവാസി ഊരുകളില് നിന്നുള്ള രോഗികള് എത്തുന്ന ധര്മ്മാശുപത്രിയായതിനാലാണ് വെള്ളറട സി.എച്ച്.സിയെ സംഘാടകര് തിര ഞ്ഞെടുക്കാന് പ്രധാനകാരണം.
പാലക്കാടു ഗവ.പോളിടെക്നിക്കില് നിന്നും ബയോമെഡിക്കല് എക്കുപെന്സിന്റെ പുനര്നിര്മ്മാണയത്തില് പ്രേത്യക പരിശീലനം ലഭിച്ച ആറുപേരാണ് പ്രവര്ത്തനങ്ങള്ക്കു നേതൃത്വം നല്കുന്നത്. നിസാര തകരാറുകാരണം ഉപേക്ഷിച്ചിരുന്ന പതിനഞ്ചില്പരം കട്ടിലുകള്, പത്തില് പരം ട്രിപ്പ്സ്റ്റാന്റ്റ്, സ്ട്രക്ച്ചറുകള്, വീല്ചെയര്, കസേരകള്, ഇരുമ്പലമാര, തുടങ്ങിയവ പെയിന്റ ചെയ്തു ഉപയോഗയോഗ്യമാക്കി. കേടായതു കാരണം കൂട്ടി യിട്ടിരുന്ന നിരവധി നെബുലൈസേര്, മൈക്രോസ്കോപ്, നീഡില് ഡിസ്പോസര്, സ്റ്റെര്ലൈസെര് തുടങ്ങി ബയോമെഡിക്കല് ഉപകരണങ്ങള്.കേടുപാടുകള് തീര്ത്തു ഉപയോഗസജ്ജമാക്കിയത് ആശുപത്രി ആംബുലന്സ് ഉപയോകയോഗ്യമാക്കല്, കട്ടിലുകളില് കൊതുകുവല സ്ഥാപിക്കല് എന്നിവയും പദ്ധതിയുടെ ഭാഗമായി കുട്ടികള് ചെയ്തു. സംസ്ഥാന അതിര്ത്തിയിലെ ഈ ആശുപത്രിയില് ദിനം പ്രതി മുന്നൂറില് പരം രോഗികളാണ് ചികിത്സ തേടി എത്താറുള്ളത്.
