കൊല്ലങ്കോട്: ഇരു വൃക്കകളും തകരാറിലായ മുതലമട പോത്തമ്പാടം അഫ്രുദ്ദീന് ചികിത്സാ ധനസഹായ നിധിയിലേക്ക് കാമ്പ്രത്ത്ചള്ള ഓട്ടോറിക്ഷാ ഡ്രൈവേഴ്സ് ആന്ഡ് ഫ്രണ്ട്സ് കൂട്ടായ്മ 1.10 ലക്ഷം രൂപ കൈമാറി.
കൊല്ലങ്കോട് പോലീസ് സി.ഐ.കെ.പി.ബെന്നി ചടങ്ങിന് സാക്ഷ്യം വഹിച്ചു.കാമ്പ്രത്ത് ചള്ളയില് ഓട്ടോ ഡ്രൈവര്മാര് സംയുക്തമായി കാരുണ്യയാത്ര നടത്തിയും സാധ്യമാകുന്ന തുക മറ്റു വാഹനസുഹൃത്തുക്കളില് നിന്നും സമാഹരിച്ചുമാണ് തുക നല്കിയത്.
വീട്ടില്തന്നെ ഡയാലിസിസ് നടത്തി ശസ്ത്രക്രിയക കാത്തു കഴിയുന്ന അഫ്രുദീനെ പോലീസും സാധ്യമാകുന്ന സഹായം നല്കുമെന്ന് അറിയിച്ചു.പിരിച്ചെടുത്ത തുക അഫ്രുദ്ദീന്റെ പിതാവ് മുഹമ്മദ് കിഷോറിന് കൈമാറി.
എ.സാദിഖ് അധ്യക്ഷത വഹിച്ചു.പി.എസ്.ഷാഹുല് ഹമീദ്, എസ്.നിഷാറുദീന്, ജെ.അബ്ബാസ്, സി.വിഷ്ണു, എസ്.ഹബീബുള്ള, പി.കനകരാജ്, എ.മൂസ എന്നിവര് സംസാരിച്ചു.
