ന്യൂദല്‍ഹി : ഗൗരി ലങ്കേഷിന്റെ വധത്തില്‍ ആര്‍എസ്എസിനും ബിജെപിക്കും പങ്കുണ്ടെന്ന് വ്യാജ പ്രസ്താവന നടത്തിയ പ്രമുഖ ചരിത്രകാരന്‍ രാമചന്ദ്ര ഗുഹയ്‌ക്ക് വക്കീല്‍ നോട്ടീസ് .
കര്‍ണാടക ബിജെപി യുവമോര്‍ച്ച സെക്രട്ടറിയാണ് രാമചന്ദ്രഗുഹയ്‌ക്ക് വക്കീല്‍ നോട്ടീസ് അയച്ചത് .
ഗൗരി ലങ്കേഷിന്റെ വധം നടന്നതിനു ശേഷം കോണ്‍ഗ്രസ് ഉപാദ്ധ്യക്ഷന്‍ രാഹുല്‍ ഗാന്ധിയും ഇത്തരം ആരോപണം ഉന്നയിച്ചിരുന്നു . എന്നാല്‍ ആര്‍എസ്എസ് ആണ് പിന്നിലെന്ന് പറഞ്ഞിട്ടില്ലെന്ന് പിന്നീട് കോണ്‍ഗ്രസ് വ്യക്തമാക്കി .
രാഹുലിനോ കോണ്‍ഗ്രസിനോ ഇക്കാര്യത്തില്‍ തെളിവുണ്ടെങ്കില്‍ ഹാജരാക്കണമെന്ന് ബിജെപി കര്‍ണാടക അദ്ധ്യക്ഷന്‍ ബി എസ് യെദ്യൂരപ്പയും ആവശ്യപ്പെട്ടു.
