മരട്: തിരുനെട്ടൂര് മഹാദേവര് ക്ഷേത്രത്തിലെ ഭണ്ഡാരങ്ങള് കുത്തിത്തുറന്ന് മോഷണശ്രമം. ക്ഷേത്ര മതില്ക്കെട്ടിനകത്തെ രണ്ടു ഭണ്ഡാരങ്ങളാണ് പൂട്ട് തകര്ത്ത നിലയില് കണ്ടെത്തിയത്. കിഴക്കു തെക്കു ഭാഗത്തെ ആലിന്റെ ചുവട്ടിലെ ഗണപതി വിഗ്രഹത്തിനു മുന്പിലെ ഭണ്ഡാരം, പടിഞ്ഞാറു തെക്കു ഭാഗത്തെ അയ്യപ്പന് കോവിലിന്റെ മുന്പിലെ ഭണ്ഡാരം എന്നിവിടങ്ങളിലാണ് മോഷണശ്രമം നടന്നത്.
പുലര്ച്ചെ ശാന്തിക്കാരന് ക്ഷേത്രനട തുറക്കാന് എത്തിയപ്പോഴാണ് മോഷണശ്രമം നടന്നതായി കണ്ടത്. ക്ഷേത്ര സമിതിയംഗങ്ങള് വിവരം നല്കിയതിനെ തുടര്ന്ന് പോലീസ് സ്ഥലത്തെത്തി പരിശോധന നടത്തി.
സുരക്ഷാ ക്യാമറകള് സ്ഥാപിക്കാന് പോലീസ് നിര്ദ്ദേശിച്ചിരുന്നെങ്കിലും ക്ഷേത്രസമിതിയോ, കൊച്ചിന് ദേവസ്വം ബോര്ഡോ ഇതിനു തയാറാവാത്തതില് ഭക്തര്ക്ക് അമര്ഷമുണ്ട്. ക്ഷേത്ര പരിസരത്ത് മദ്യപരും സാമൂഹ്യ വിരുദ്ധരും രാത്രികാലങ്ങളില് തമ്പടിക്കാറുണ്ടെന്നും പോലീസില് പരാതി നല്കിയിട്ടും കുറവൊന്നുമുണ്ടായിട്ടില്ലെന്നും പരിസരവാസികള് പറയുന്നു.
