കരുളായി: കട അടിച്ച് തകര്ത്തതായി പരാതി. പാലാങ്കരയില് പൂവ്വത്തുംമൂട്ടില് മാത്തുക്കുട്ടി, ലിസി ദമ്പതികള് നടത്തുന്ന ബേക്കറിക്കടയാണ് നശിപ്പിച്ചത്. രാത്രി പത്തു മണിയോടെ മകനെ കട ഏല്പ്പിച്ച് തങ്ങള് വീട്ടിലേക്ക് പോയ സമയം എത്തിയ ആക്രമികള് മകനെ മര്ദ്ദിക്കുകയും ബേക്കറി കട അടിച്ച് തകര്ക്കുകയുമായിരുന്നെന്ന് വര്ഷങ്ങളായി പാലാങ്കരയില് ഹോട്ടലും ബേക്കറി ഷോപ്പും നടത്തുന്ന ദമ്പതികള് സഹ്യ ന്യൂസിനോട് പറഞ്ഞു.കട പൂര്ണ്ണമായും തകര്ന്നിട്ടുണ്ട്. ഭരണികളില് സൂക്ഷിച്ചിരുന്ന പകഹാരങ്ങള് തച്ച് തകര്ത്ത സ്ഥിതിയിലാണ്. ഏതാണ്ട് ഒരു ലക്ഷം രൂപയുടെ നഷ്ടം സംഭവിച്ചതായും കട തകര്ത്തതിനും മകനെ മര്ദ്ദിച്ചതിനും കണ്ടാലറിയാവുന്ന വ്യക്തികള്ക്കെതിരെ പൂക്കോട്ടുംപാടം പോലീസില് പരാതി നല്കിട്ടുണ്ട്. പോലീസ് കേസ് രജിസ്റ്റര് ചെയ്ത് അന്വേഷണം നടത്തിവരുകയാണ്.പാലാങ്കര അങ്ങാടി കേന്ദീകരിച്ച് മദ്യ മയക്കുമരുന്ന് കച്ചവടം നടക്കുന്നതായും ഇതിന്റെ തുടര്ച്ചയാണ് കട ആക്രമിച്ചതിന് പിന്നിലെന്നും പാലാങ്കരയിലെ പൊതു ജനം സഹ്യ ന്യൂസിനോട് പറഞ്ഞു. പാലാങ്കര വായനശാല പരിസരത്തിന് ചേര്ന്ന് മദ്യപര് വിളയാടുന്നത് പോലീസില് വിവരമറിയിച്ചിരുന്നതായും അനതികൃതമായി മദ്യം വില്ക്കുന്നവര് പാലാങ്കരയില് സജീവമാണെന്നും പാലാങ്കരയിലെ ജനങ്ങള് പ്രതികരിച്ചു. പാലാങ്കര പേസ്റ്റോഫീസിന് സമീപത്തെ ഒഴിഞ്ഞ മദ്യ കുപ്പികള് ഇതിന് തെളിവാണന്നും നാട്ടുകാര് പറയുന്നു. സമാധാന അന്തരീക്ഷം തകര്ക്കാനുള്ള ശ്രമം പാലാങ്കരയില് വെച്ച് പുറപ്പിക്കരുതെന്നും അധികാരികള് രംഗത്ത് എത്തി ശാശ്വത പരിഹാരം കാണണമെന്നും നാട്ടുകാര് ആവശ്യപ്പെടുന്നു.
വ്യാപാരസ്ഥാപനം അടിച്ച് തകര്ത്തതായി പരാതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.