കാസര്കോട്: കണ്ണൂര് യൂണിവേഴ്സിറ്റി കോളേജ് യൂണിയന് തിരഞ്ഞെടുപ്പില് എബിവിപിക്ക് തിളക്കമാര്ന്ന വിജയം. പെര്ള നളന്ദ ആര്ട്സ് ആന്റ് സയന്സ് കോളേജില് എംഎസ്എഫില് നിന്നും മുഴുവന് സീറ്റുകളും എബിവിപി പിടിച്ചെടുത്തു. കുമ്പള ഐഎച്ച്ആര്ഡി കോളേജില് ചെയര്മാന് യുയുസി ജനറല് ക്യാപ്റ്റന് സീറ്റുകളിലേക്കും ചെറുപനത്തടി സെന്റ് മേരീസ് കോളേജില് ജനറല് സെക്രട്ടറി സ്ഥാനത്തേക്കും എബിവിപി വിജയിച്ചു.
പെര്ള നളന്ദ കോളേജില് അര്പിത്.കെ ചെയര്മാന് അനുഷ വൈസ്ചെയര്മാന് വികാസ് ജനറല് സെക്രട്ടറി കാവ്യചന്ദ്രന് ജോയിന്റ് സെക്രട്ടറി അഭിലാഷ് ഫൈന് ആര്ട്സ് ശീതള് സ്റ്റുഡന്റ് എഡിറ്റര് വിജേഷ് ജനറല് ക്യാപ്റ്റന് ആയി വിജയിച്ചു. കുമ്പള ഐഎച്ച്ആര്ഡി കോളേജില് വന്ദിത.എം ചെയര്മാന് വിപിന് യുയുസി സാഗര്.എന്.കെ ജനറല് ക്യാപ്റ്റനായി തെരെഞ്ഞെടുക്കപ്പെട്ടു. പനത്തടി സെന്റ് മേരീസ് കോളേജില് ആദര്ശ് ജനറല് സെക്രട്ടറിയായും വിജയിച്ചു. കൂടാതെ നിരവധി മൈനര് സീറ്റുകളിലേക്കും എബിവിപി വിജയിച്ചിട്ടുണ്ട് വിജയത്തില് ആഹ്ലാദം പ്രകടിപ്പിച്ചുകൊണ്ട് കുമ്പളയിലും പെര്ളയിലും പ്രവര്ത്തകര് പ്രകടനം നടത്തി.
