കണ്ണൂര്: കതിരൂര് മനോജ് വധക്കേസില് പി.ജയരാജനെതിരെ സിബിഐ കുറ്റപത്രം സമര്പ്പിച്ചതില് പറയുന്നത് കൊലയുടെ മുഖ്യസൂത്രധാരനും ജില്ലയിലെ സാമാധാനാന്തരീക്ഷം തകര്ക്കാന് ശ്രമിച്ചതിലെയും മുഖ്യപങ്കുവഹിച്ചത് പി.ജയരാജനാണെന്നാണ്. ആയതിനാല് സിപിഎം ജില്ലാ സെക്രട്ടറി പി.ജയരാജന് ജയിലില് പോകുന്നതിന് മുമ്പായി പരസ്യമായി കണ്ണൂരിലെ ജനങ്ങളോട് മാപ്പ് പറയണമെന്ന് ബിജെപി ജില്ലാ പ്രസിഡന്റ് പി.സത്യപ്രകാശ് പ്രസ്താവിച്ചു. മനോജ് വധം നടന്ന് നാളെ ഒരു വര്ഷം തികയാനിരിക്കെയാണ് കുരുക്ക് മുറുക്കി സിബിഐ കുറ്റപത്രം സമര്പ്പിച്ചത്. കൊച്ചിയിലെ സിബിഐ മൂന്നാം കോടതിയില് സമര്പ്പിച്ച രണ്ടാഘട്ട കുറ്റപത്രത്തില് ജയരാജന് ഉള്പ്പെടെ 6 പേരാണ് ഗൂഢാലോചനാ പ്രതിപ്പട്ടികയിലുള്ളത്. ജയരാജന് 25-ാം പ്രതിയായ കേസില് പയ്യന്നൂരിലെ സിപിഎം മുന് ഏരിയാ സെക്രട്ടറി ടി.ഐ.മധുസൂധനന്, റെജിലേഷ്, ഷജിലേഷ്, മഹേഷ് എന്നിവരും ഉള്പ്പെടുന്നു. പി.ജയരാജന് മനോജിനോടുള്ള വ്യക്തിവിരോധമാണ് കൊലയ്ക്ക് കാരണമെന്ന് ചൂണ്ടിക്കാട്ടുന്ന കുറ്റപത്രത്തില് കൊലയാളിസംഘത്തിന് വേണ്ട സഹായങ്ങള് ചെയ്തുനല്കിയതായും ജില്ലയിലെ സമാധാനാന്തരീക്ഷം തകര്ക്കുകയും കലാപത്തിനും സംഘര്ഷത്തിനും വഴിമരുന്നിടുകയും ചെയ്തതായും വ്യക്തമാക്കുന്നുണ്ട്. തന്റെ വലംകൈയ്യായ വിക്രമന് കൃത്യം നടത്താന് സഹായത്തിനായി കേസിലെ മറ്റ് പ്രതികളെ ഒപ്പം നല്കിയത് പി.ജയരാജനാണെന്ന പരാമര്ശമുണ്ടെന്നും അദ്ദേഹം പ്രസ്താവനയില് പറഞ്ഞു.
പി.ജയരാജന് കണ്ണൂരിലെ ജനങ്ങളോട് പരസ്യമായി ക്ഷമ പറഞ്ഞ് ജയിലില് പോകണം: പി.സത്യപ്രകാശ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.