മഞ്ചേരി: തൃക്കലങ്ങോട് കരിക്കാട് വൈദ്യര്പടിയില് കോഴിമാലിന്യം തള്ളി. ദിവസങ്ങള് പഴക്കമുള്ള മാലിന്യമാണ് പ്ലാസ്റ്റിക് ചാക്കുകളിലാക്കി റോഡരികില് തള്ളിയത്. മാലിന്യത്തില് നിന്നുമുള്ള ദുര്ഗന്ധം നാട്ടുകാര്ക്ക് ആരോഗ്യ പ്രശ്നങ്ങള് സൃഷ്ടിക്കുന്നതായി കാണിച്ച് മഞ്ചേരി പോലീസില് പരാതി നല്കി.
പ്രദേശത്തെ വഴിയോരങ്ങളില് മാലിന്യങ്ങള് തള്ളുന്നത് നിത്യസംഭവമാണ്. അര്ദ്ധരാത്രിക്ക് ശേഷമാണ് ഇത്തരം സംഘങ്ങള് വാഹനങ്ങളില് മാലിന്യം കൊണ്ടുവന്ന് തള്ളുന്നത്. പഞ്ചായത്ത് ആരോഗ്യ വകുപ്പ് അധികൃതരും മഞ്ചേരി പൊലീസും സ്ഥലത്തെത്തി.
ദുര്ഗന്ധം രൂക്ഷമായതോടെ നാട്ടുകാരുടെ സഹായത്തോടെ ജെസിബി ഉപയോഗിച്ച് മാലിന്യം കുഴിച്ചുമൂടി. പ്രദേശവാസികളുടെ പരാതിയില് മഞ്ചേരി പൊലീസ് കേസെടുത്തു. കുറ്റക്കാരെ കണ്ടെത്തി കര്ശന നടപടി സ്വീകരിക്കണമെന്ന് നാട്ടുകാര് ആവശ്യപ്പെട്ടു.
