മാഹി: ഇന്ത്യയില് കമ്മ്യൂണിസ്റ്റുപാര്ട്ടിയുടെ കാലം കഴിഞ്ഞെന്നും കമ്മ്യൂണിസം ലോകത്തില് നിന്ന് തന്നെ ഏറെക്കുറെ അപ്രത്യക്ഷമായിക്കൊണ്ടിരിക്കുകയാണെന്നും ബിജെപി കണ്ണൂര് ജില്ലാ സെക്രട്ടറി വി.പി.സുരേന്ദ്രന്മാസ്റ്റര് പറഞ്ഞു. ബിജെപി മാഹി മണ്ഡലം കണ്വെന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഇന്ത്യയില് കമ്മ്യൂണിസ്റ്റ് പാര്ട്ടിയും ആര്എസ്എസ്സും ഏകദേശം ഒരേകാലഘട്ടത്തിലാണ് പ്രവര്ത്തനം തുടങ്ങിയത്. ആര്എസ്എസ് വിഭാവനം ചെയ്ത ബിജെപി ഇന്ത്യയിലെ മാത്രമല്ല ലോകത്തിലെ ഏറ്റവും കൂടുതല് അഗംങ്ങളുള്ള ജനാധിപത്യ പാര്ട്ടിയായി മാറി ഇന്ത്യയുടെ ഭരണത്തിന് നേതൃത്വം നല്കുന്നു. 28 സംസ്ഥാനങ്ങളില് ജനപ്രതിനിധികളുള്ള പാര്ട്ടിയായി ബിജെപി മാറിയെന്നും അദ്ദേഹം പറഞ്ഞു.
സ്വന്ത്രന്ത്രമായി ജീവിക്കാനും അവകാശങ്ങള് വീണ്ടെടുക്കാനും ജിഹാദി-ചുവപ്പ് ഭീകരരില് നിന്നും കേരളത്തെ മോചിപ്പിക്കണമെന്ന മുദ്രാവാക്യവുമായി ബിജെപി സംസ്ഥാന പ്രസിഡണ്ട് കുമ്മനം രാജശേഖന് നയിക്കുന്ന ജനരക്ഷായാത്ര വമ്പിച്ച വിജയമാക്കണമെന്ന് ബിജെപി മാഹി മണ്ഡലം കണ്വെന്ഷന് ബഹുജനങ്ങളോട് അഭ്യര്ത്ഥിച്ചു.
മണ്ഡലം പ്രസിഡണ്ട് സത്യന് കുനിയില് അധ്യക്ഷതവഹിച്ചു. കെ.പി.സഞ്ജീവ്കുമാര്, കെ.പി.മനോജ്, വിജയന് പൂവച്ചേരി, കാട്ടില് ശശിധരന്, പി.ടി.ദേവരാജന്, കരീക്കുന്നുമ്മല് സുനി, പി.ടി.ജയചന്ദ്രന്, സി.കെ.ദാമോദരന്, രജീഷ് പന്തക്കല്, പി.കെ.സജിത്ത്, കെ.വി.ജയകുമാര്, പി.ദാമോദരന് തുടങ്ങിയവര് സംസാരിച്ചു.
