മയ്യഴി: ശുചിത്വ വിദ്യാലയത്തിനുള്ള ദേശീയ അവാര്ഡ് മാഹി ചെറുകല്ലായിയിലെ ചെറുകല്ലായി ഗവ.എല്.പി സ്കൂളിന് ലഭിച്ചു. കേന്ദ്ര മാനവ വിഭവശേഷി മന്ത്രാലയത്തിന്റെ സ്വച്ഛ് വിദ്യാലയ പുരസ്കാരമാണ് സ്കൂളിന് ലഭിച്ചത്. 50,000 രൂപയും പ്രശസ്തി പത്രവുമാണ് അവാര്ഡ്. ദേശീയ തലത്തില് മാറ്റുരച്ച 643 സ്കൂളുകളില് നിന്നും തെരഞ്ഞെടുക്കപ്പെട്ട 172 സ്കൂളുകളില് ഒന്നാണ് മയ്യഴിക്ക് അഭിമാനമായ ഈ വിദ്യാലയം. മാഹിയിലെ ഒരു സര്ക്കാര് വിദ്യാലയം ആദ്യമായാണ് ദേശീയ പുരസ്കാരത്തി നര്ഹമാകുന്നത്. വളരെ കാര്യക്ഷമമായി പ്രവര്ത്തിക്കുന്ന പി.ടി.എ.യുടെയും നാട്ടുകാരുടെയും ശ്രമങ്ങളാണ് ഈ നേട്ടത്തിന് വഴിയൊരുക്കിയത്. മാലിന്യ സംസ്കരണത്തിന്റെ നല്ല സംസ്കാരങ്ങള് കൊണ്ട് മാതൃകയാണ് ഈ വിദ്യാലയം. പൈപ്പ് കമ്പോസ്റ്റിങ്ങും ഒപ്പം ജൈവ മാലിന്യം സംസ്കരിക്കാനുള്ള കുഴികളും ഇവിടെ ഉപയോഗിക്കപ്പെടുന്നു. പ്ലാസ്റ്റിക് മാലിന്യം വേര്തിരിച്ച് വൃത്തിയാക്കി പുന:സംസ്കരണ കേന്ദ്രത്തിലേക്ക് അയക്കുന്നു.ജൈവ പച്ചക്കറി കൃഷിയോടൊപ്പം ഔഷധ സസ്യ തോട്ടവുമുണ്ടിവിടെ. മറ്റ് പ്രവര്ത്തനങ്ങള്ക്കൊപ്പം സ്കൂളും പരിസരവും ശുചിയായി സൂക്ഷിക്കുന്നതിന് അധ്യാപകര്ക്കും വിദ്യാര്ത്ഥികള്ക്കും ഒപ്പം സ്കൂള് മാനേജ്മെന്റ് കമ്മറ്റിയും പിടിഎയും ജാഗ്രത പുലര്ത്തുന്നു. കഴിഞ്ഞ അധ്യയന വര്ഷത്തെ സ്വച്ഛ് വിദ്യാലയത്തിനുള്ള സംസ്ഥാനതല പുരസ്കാരവും ഈ വിദ്യാലയത്തിനായിരുന്നു. മാഹിയിലെ പൊതു വിദ്യാഭ്യാസ മേഖലക്ക് പുത്തന് ഉണര്വേകിയതാണ് ഈ പുരസ്കാരം. സപ്തമ്പര് ഒന്നിന് ന്യൂഡല്ഹിയില് നടക്കുന്ന ചടങ്ങില് കേന്ദ്ര മന്ത്രി പ്രകാശ് ജാവ്ഡേക്കര് അവാര്ഡ് വിതരണം ചെയ്യും. സ്കൂള് പ്രഥമാധ്യാപിക ഒ.ഉഷ, സ്വച്ഛ് ആര്മി അംബാസഡര് കൂടിയായ ഹിസാന് മുഹമ്മദ് എന്നിവര് അവാര്ഡ് ഏറ്റു വാങ്ങും.
ശുചിത്വ വിദ്യാലയത്തിനുള്ള ദേശീയ അവാര്ഡ് ചെറുകല്ലായി ഗവ. എല്പി സ്കൂളിന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.