പാട്ന: പ്രധാനമന്ത്രി നരേന്ദ്രമോദി ബിഹാറിലെ പ്രളയ ബാധിത പ്രദേശങ്ങള് സന്ദര്ശിച്ചു. ബിഹാര് മുഖ്യമന്ത്രി നിതീഷ് കുമാറും ഉപമുഖ്യമന്ത്രി സുശീല് കുമാര് മോദിയും പ്രധാനമന്ത്രിക്കൊപ്പം ഉണ്ടായിരുന്നു. ദുരിതാശ്വാസ പ്രവര്ത്തനങ്ങള് വിലയിരുത്തിയ പ്രധാനമന്ത്രി 500 കോടി രൂപ സാമ്പത്തിക സഹായം അനുവദിച്ചു.
ദുരിതാശ്വാസ പ്രവര്ത്തനങ്ങള്ക്ക് കേന്ദ്രസര്ക്കാരില് നിന്നും സാധ്യമായതെല്ലാം ചെയ്യുമെന്ന് പ്രധാനമന്ത്രി അറിയിച്ചിട്ടുണ്ട്. 500 കോടി രൂപ സാമ്പത്തിക സഹായം ബിഹാറിന് അനുവദിക്കുകയും ദുരിതാശ്വാസ പ്രവര്ത്തനങ്ങള് ഏകോപിപ്പിക്കുന്നിന് പ്രത്യേകം കേന്ദ്ര സേനയെ അയക്കുമെന്നും പ്രധാനമന്ത്രി വ്യക്തമാക്കി.
പ്രളയത്തില് മരിച്ചവരുടെ കുടുംബത്തിന് പ്രധാനമന്ത്രിയുടെ പ്രത്യേക ദുരിതാശ്വാസ ഫണ്ടില് നിന്നും രണ്ട് ലക്ഷം രൂപയും ഗുരുതരമായി പരുക്കേറ്റവര്ക്ക് അന്പതിനായിരം രൂപയും അനുവദിക്കും. കൃഷിയിടങ്ങള് നഷ്ടപ്പെട്ട കര്ഷകര്ക്ക് ഇന്ഷുറന്സ് മുഖേനയുള്ള നഷ്ടപരിഹാരം ഉറപ്പാക്കും.
പ്രളയത്തില് തകര്ന്ന റോഡുകള് പുനര് നിര്മിക്കുന്നതിന് കേന്ദ്ര ഉപരിതല ഗതാഗത വകുപ്പ് നടപടികള് ആരംഭിച്ചുകഴിഞ്ഞു. ബീഹാറിലെ 19 ജില്ലകളില് ഉണ്ടായ പ്രളയം ഒന്നരകോടിയിലധികം ജനങ്ങളെ ബാധിച്ചു.
