തിരുവനന്തപുരം: പരീക്ഷാ ക്രമക്കേടും ഇടത് സംഘടനാ നേതാവിന് നിയമനം നല്കിയതും അടക്കം വിവാദമായിരിക്കെ ന്യായീകരണവുമായി കേരള പബ്ലിക് സര്വീസ് കമ്മീഷന്.ആയിരക്കണക്കിന് തസ്തികകളിലേക്ക് നിയമന പ്രക്രിയ നടക്കുമ്പോള് അത്യപൂര്വമായി ചില പിഴവുകള് ഉണ്ടായേക്കാമെന്നാണ് ന്യായം.എന്നാല് വീഴ്ചകള് കണ്ടെത്തിയാല് അവ തിരുത്താന് കമ്മീഷന് എപ്പോഴും തയാറാണെന്നും പിഎസ്സി സെക്രട്ടറിയുടെ വാര്ത്താക്കുറിപ്പില് പറയുന്നു.
പിഎസ്സി യോഗത്തില് ചെയര്മാനെതിരെ വിമര്ശനങ്ങള് ഉണ്ടായെന്ന വാര്ത്തയും കമ്മീഷന് തള്ളി.കമ്മീഷന് പ്രവര്ത്തനങ്ങള് പൂര്ണമായും സ്വതന്ത്രവും സുതാര്യവും ഭരണഘടനാധിഷ്ഠിതവുമാണ്.പിഎസ്സിയുടെ മഹത്തായ പാരമ്പര്യത്തിനും വിശ്വസ്തതയ്ക്കും നേരിയ പോറല് പോലും ഏല്ക്കാതിരിക്കാന് കമ്മീഷന് പ്രതിജ്ഞാബദ്ധമാണ്.
ഇത്തരം ചെറിയ പിഴവുകളെ പര്വതീകരിച്ച് കാട്ടുന്നതില് നിന്ന് മാധ്യമങ്ങള് വിട്ടുനില്ക്കണമെന്നും സെക്രട്ടറി പറയുന്നു. തെരഞ്ഞെടുപ്പ് പ്രക്രിയയിലെ രഹസ്യാത്മകത സൂക്ഷിക്കേണ്ടതിനാല് എല്ലാ ആരോപണങ്ങള്ക്കും പരസ്യമായി മറുപടി നല്കുന്നതിന് കമ്മീഷന് പരിമിതികളുണ്ട്.
