ന്യൂദല്ഹി : വയനാട് മണ്ണിടിച്ചിലില് നിരവധി ജീവന് നഷ്ടപ്പെട്ടത് ഏറെ ദുഃഖത്തിലാഴ്ത്തുന്ന സംഭവമാണെന്ന് കേന്ദ്ര മന്ത്രി സുരേഷ്ഗോപി. സ്ഥിതിഗതികള് പ്രധാനമന്ത്രിയുടെ ശ്രദ്ധയില്പ്പെടുത്തിയെന്നും മന്ത്രി അറിയിച്ചു.
തുരങ്കപാത നിര്മാണം നടക്കുന്നയിടത്ത് കൂട്ടിയിട്ടിരുന്ന മണ്ണ് മാറ്റാന് നിര്ദേശിച്ചിട്ടും അത് പാലിച്ചില്ല. വീഴ്ചയുടെ ഉദാഹരണമാണ് ഇത്. തുരങ്ക നിര്മ്മാണം മുന്നോട്ടു പോകുമ്പോള് കൂടുതല് ജാഗ്രത പുലര്ത്തണമെന്നും കേന്ദ്രമന്ത്രി പറഞ്ഞു.വീഴ്ചയുണ്ടായെങ്കില് സര്ക്കാര് നടപടിയെടുക്കണമെന്നും അദ്ദേഹം ആവശ്യപ്പെട്ടു.
വയനാട് കള്ളാടി മീനാക്ഷി പാലത്തിന് സമീപമുണ്ടായ മണ്ണിടിച്ചില് ഇതു വരെ അഞ്ച് മരണം സ്ഥിരീകരിച്ചിട്ടുണ്ട്. മരിച്ചവര് അതിഥി തൊഴിലാളികളാണ്.
