കൊച്ചി: അന്സിബ എന്ന ജൂനിയര് നടി സീനിയര് താരമായ ശ്വേതാമേനോനെ വരെ വെല്ലുവിളിക്കുന്ന തലത്തിലേക്ക് ഉയര്ന്നതെങ്ങിനെ എന്ന ചോദ്യവുമായി സാമൂഹ്യനിരീക്ഷന് എ.പി. അഹമ്മദ്.
ഇത്രയ്ക്കധികം കേസുകള് നടത്താന് അന്സിബയ്ക്ക് സാമ്പത്തിക സഹായം എവിടെ നിന്നാണ് കിട്ടുന്നത്? എന്ന ചോദ്യം ശക്തമായി ഉയരുന്നുണ്ട്. അതിനര്ത്ഥം അന്സിബയ്ക്ക് പിന്നില് ആരൊക്കെയോ ഉണ്ടെന്നാണ്.
ടിനി ടോം എന്ന നടന് തന്നെ ‘ജിഹാദി’ എന്ന് വിളിച്ചുവെന്ന പരാതിയുമായാണ് അന്സിബ ആദ്യം എത്തുന്നത്. ഇതിനര്ത്ഥം അവരുടെ പരാതി വളരെ കൃത്യമാണ്. എന്നും അവരെ പിന്തുണയ്ക്കുന്നവരുടെ ലക്ഷ്യം വളരെ വ്യക്തമാണ് എന്നുമാണ്. – എ.പി. അഹമ്മദ് ചൂണ്ടിക്കാട്ടുന്നു.
ഏറ്റവുമൊടുവില് അന്സിബ ഉയര്ത്തിയത് അതിജീവിതയുടെ പ്രശ്നമാണ്. ‘അമ്മ’ നടപ്പാക്കുമെന്ന് പറഞ്ഞ കാര്യമായ അതിജീവിതയെ തിരിച്ചുകൊണ്ടുവരുമെന്നത് ഇനിയും നടപ്പാക്കിയില്ല എന്നാണ് അന്സിബ വാദിക്കുന്നത്. അതിനര്ത്ഥം ദിലീപിന് എതിരായി, അതിജീവിതയ്ക്ക് വേണ്ടി വാദിക്കുന്നവര് അന്സിബയ്ക്ക് പിന്നില് ഉണ്ടെന്നാണ്. ദിലീപിനെതിരായ ഒരു ലോബി തന്നെയാണ് അന്സിബയ്ക്ക് പിന്നില് എന്ന് കരുതണം. – എ.പി. അഹമ്മദ് പറയുന്നു.
പക്ഷെ അന്സിബ വളരെ നന്നായി അമ്മയില് പ്രസംഗിക്കുകയും തന്റെ ഭാഗം അവതരിപ്പിക്കുകയും ചെയ്തിട്ടുണ്ട്. അവരുടെ വാദങ്ങള് കിറുകൃത്യവുമാണ് എന്ന അഭിനന്ദനവും എ.പി. അഹമ്മദ് നല്കുന്നു.
