ഇതാണ്
കൊരങ്ങാട്ടിക്കുടി റോഡ്
അടിമാലി: അടിമാലിയില് നിന്ന് കൊരങ്ങാട്ടി വനവാസി കുടിയിലേക്കുള്ള റോഡ് തകര്ന്ന് തരിപ്പണമായി കാല്നടയാത്ര പോലും ദുഷ്കരമായിട്ടും അധികൃതര് തിരിഞ്ഞ് നോക്കുന്നില്ല. മൂന്ന് വര്ഷം മുമ്പ് റോഡ് നിര്മ്മാണം പൂര്ത്തിയാക്കിയിരുന്നു. ഒരു വര്ഷം തികയും മുമ്പ് തന്നെ റോഡിന്റെ തകര്ച്ച തുടങ്ങി.
ടൗണില് നിന്നും കുത്തനെയുള്ള കയറ്റത്തോടുകൂടിയ 5 കിലോമീറ്ററോളം ദൈര്ഘ്യമുള്ള റോഡാണ് കുടിയിലെ 250 ഓളം കുടുംബങ്ങളിലെ ആയിരങ്ങള്ക്ക് പുറം ലോകവുമായി ബന്ധപ്പെടാന് ആശ്രയമായിട്ടുള്ളത്. സ്കൂള് കുട്ടികളടക്കം നൂറുകണക്കിന് യാത്രക്കാരാണ് ദിവസേന ഇതുവഴി യാത്ര ചെയ്യുന്നത്. ഓടകള് നിര്മ്മിക്കാത്തതുമൂലം മലഞ്ചെരുവില് നിന്നുള്ള മഴവെള്ളം റോഡിലൂടെ ഒഴുകിയെത്തുന്നത് റോഡ് തകരാന് കാരണമാകുന്നു. മഴവെള്ളത്തില് ഒഴുകിയെത്തിയ ഉരുളന് കല്ലുകളും, ചെളിയും ഗതാഗത തടസത്തിനൊപ്പം കാല്നടയാത്രയും ബുദ്ധിമുട്ടാകുന്നു.
തൊഴിലുറപ്പ് പദ്ധതിയില്പ്പെടുത്തി അറ്റകുറ്റ പണികള് നടത്തിയതൊഴിച്ചാല് റോഡ് ഗതാഗതയോഗ്യമാക്കുന്നതിന് ഒരു നടപടിയും പഞ്ചായത്ത് അധികൃതരുടെ ഭാഗത്ത് നിന്ന് ഉണ്ടായിട്ടില്ല.
