ബാലുശ്ശേരി: മന്ത്രി തോമസ് ചാണ്ടിക്കെതിരെ കടുത്ത പ്രമേയവുമായി കോഴിക്കോട് ജില്ലാ നാഷണലിസ്റ്റ് യൂത്ത് കോണ്ഗ്രസ് രംഗത്ത്. ഗതാഗതവകുപ്പ് മന്ത്രി തോമസ്ചാണ്ടിയുടെ റിസോര്ട്ടുമായി ബന്ധപ്പെട്ട് ഉയര്ന്നുവന്ന ആരോപണങ്ങളെപറ്റി അന്വേഷണം നടത്തണമെന്നും മന്ത്രി പാര്ട്ടി നിലപാടുകളെ പൂര്ണ്ണമായും അവഗണിച്ച് സ്വന്തം നിലപാടുമായി മുന്നോട്ട് പോകുന്നതിനെതിരെ എന്സിപി നേതൃത്വം ശക്തമായ നടപടി സ്വീകരിക്കണമെന്നുമാണ് ബാലുശ്ശേരിയില് രണ്ട് ദിവസമായി നടന്ന എന്വൈസി ജില്ലാ കേഡര് കേമ്പ് ആവശ്യപ്പെട്ടത്. യുവജന പ്രസ്ഥാനത്തിന് ഏറെ വേരോട്ടമുള്ള ജില്ലയില് പാര്ട്ടിക്കുള്ളിലെ ആഭ്യന്തരകലഹം ശക്തിയാര്ജ്ജിക്കുന്ന തരത്തിലാണ് കേമ്പിന്റെ പ്രമേയം. പാര്ട്ടിയിലെ പെടലപിണക്കങ്ങള് പൊട്ടിതെറിയിലേക്ക് എത്തികൊണ്ടിരിക്കേ എന്സിപി സംസ്ഥാന അധ്യക്ഷന് ഉഴവൂര്വിജയനെതിരെ വധഭീഷണിമുഴക്കുകയും അദ്ദേഹത്തിന്റെ കുടുംബാംഗങ്ങളെപ്പറ്റി മോശം പരാമര്ശം നടത്തുകയും ചെയ്ത എന്സിപി സംസ്ഥാന നേതാവിനെ കേരള ആഗ്രോഇന്ഡസ്ട്രീസ് കോര്പ്പറേഷന് ചെയര്മാന് സ്ഥാനത്തുനിന്നും മാറ്റാന് പാര്ട്ടി നേതൃത്വവും മുഖ്യമന്ത്രിയും തയ്യാറാകണമെന്നും പ്രമേയത്തില് ആവശ്യപ്പെട്ടിട്ടുണ്ട്.
തോമസ് ചാണ്ടിക്കെതിരെ എന്വൈസി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.