തൊടുപുഴ: കഴിഞ്ഞ ദിവസം മോഷണം പോയ ടിപ്പര് ലോറി കണ്ടെത്താനായുള്ള അന്വേഷണം ഊര്ജ്ജിതം. ലോറി ജില്ലയ്ക്ക് വെളിയിലേക്ക് കടത്തിയതായാണ് പോലീസിന് ലഭിക്കുന്ന വിവരം. സുരക്ഷ കാമറകളില് ഇത് വ്യക്തമായിട്ടുണ്ട്.
വ്യാഴാഴ്ച പുലര്ച്ചെയാണ് വെങ്ങല്ലൂര്-കോലാനി ബൈപ്പാസില് പെട്രോള് പമ്പിന് സമീപം നിര്ത്തിയിട്ടിരുന്ന പേഴക്കാപ്പിള്ളി സ്വദേശി ഷിഹാബിന്റെ ഉടമസ്ഥതയിലുള്ള ലോറി മോഷണം പോകുന്നത്.
ഒരുമണിയോടെ വിമലാലയം സ്കൂളിന് സമീപത്തെ പെട്രോള് പമ്പില് നിന്നും 100 ലിറ്റര് ഡീസലും നിറച്ചശേഷം പണം നല്കാതെ ജീവനക്കാരനെ കബളിപ്പിച്ചാണ് ലോറി ഓടിച്ച് പോയത്. മോഷണം നടന്ന് 6 മണിക്കൂര് കഴിഞ്ഞാണ് പോലീസില് വിവരം ലഭിച്ചത് എന്നുള്ളതും തിരിച്ചടിയാകുന്ന
ുണ്ട്. ഇന്ധനം നിറച്ച ജീവനക്കാരനും കൃത്യസമയത്ത് പോലീസില് വിവരം നല്കിയിരുന്നില്ല. പരിശോധനകള്ക്ക് ശേഷം ഒരു മണിക്കൂറോളം കഴിഞ്ഞാണ് പോലീസില് വിവരം അറിയിച്ചത്.
ഇന്ധനം നിറച്ച ശേഷം മങ്ങാട്ടുകവല ഭാഗത്തേക്ക് പോയ ലോറി ഇടവെട്ടി വഴി കയറിയതാണ് അവസാനം ലഭിക്കുന്ന വിവരം. പിന്നീട് എപ്പോഴെങ്കിലും പുറത്തേയ്ക്ക് മറ്റുവഴിയിലൂടെ പോയിട്ടുണ്ടോ എന്നതും കണ്ടെത്താനായിട്ടില്ല. ലോറി എവിടെയെങ്കിലും ഒളിപ്പിക്കാനുള്ള സാധ്യതയും തള്ളിക്കളഞ്ഞിട്ടില്ല. എറണാകുളം ഭാഗത്തേയ്ക്ക് പോയിട്ടില്ലെന്നാണ
് ദൃശ്യങ്ങളില് നിന്നും വ്യക്തമാകുന്നത്. അന്വേഷണത്തില് തൃശൂര് ടോള് പ്ലാസയിലൂടെ ലോറി കടന്ന് പോയിട്ടില്ലെന്നും പോലീസ് പറഞ്ഞു.
വാഹനത്തില് ആവശ്യത്തിന് ഇന്ധനം നിറച്ചതിനാല് ദൂരസ്ഥലത്തേക്ക് പോകാനുള്ള സാധ്യത പോലീസ് തള്ളിക്കളയുന്നില്ല. കമ്പം വഴി തമിഴ്നാടിന് വണ്ടി കടത്തിയിരിക്കാനാണ് ഏറെ സാധ്യതയെന്നാണ് നിഗമനം. ഇത് സംബന്ധിച്ചും അന്വേഷണം നടക്കുന്നുണ്ട്. വാഹന ഉടമസ്ഥന് സാമ്പത്തിക ഇടപാട് ഉള്ളതിനാല് ഇതും പോലീസ് പരിശോധിക്കുന്നുണ്ട്.
