അരൂര്: തീരദേശ പാസഞ്ചര് ടെയിനുകളിലെ കോച്ചുകളുടെ എണ്ണം വര്ദ്ധിപ്പിക്കണമെന്ന ഉപഭോക്തൃ കോടതിയുടെ ഉത്തരവ് രണ്ടര വര്ഷം കഴിഞ്ഞിട്ടും നടപ്പിലാക്കാത്ത തിരുവനന്തപുരം ഡിവിഷണല് മാനേജര് എറണാകുളം ഉപഭോക്തൃകോടതിയില് ആഗസ്റ്റ് 18ന് നേരിട്ട് ഹാജരാകാന് ഉത്തരവ്.
ഹര്ജിക്കാരന് നഷ്ടപരിഹാരമായി വിധിച്ച പതിനായിരം രൂപ നല്കാത്ത റെയില്വേയുടെ ഡിവിഷണല് മാനേജര്ക്കെതിരേ അറസ്റ്റ് വാറണ്ട് പുറപ്പെടുവിക്കണമെന്നാവശ്യപ്പെട്ട് ഹ്യൂമന് റൈറ്റ്സ് ഡിഫെന്സ് ഫോറം ജനറല് സെക്രട്ടറി അഡ്വ.ഡി.ബി.ബിനു സമര്പ്പിച്ച ഹര്ജിയിലാണ് ഈ ഉത്തരവ്.തീരദേശ പാതയിലെ തിരക്കേറിയ പാസ്സഞ്ചര് ട്രെയിനുകളിലെ കോച്ചുകളുടെ എണ്ണം പതിനെട്ടായി വര്ദ്ധിപ്പിക്കണമെന്ന് എറണാകുളം ജില്ലാ ഉപഭോക്തൃ കോടതി തിരുവനന്തപുരം റെയില്വേ ഡിവിഷന് നിര്ദ്ദേശം നല്കിയിരുന്നു. മൂന്നു മാസത്തിനകം വര്ദ്ധനവ് നടപ്പാക്കണമെന്നതായിരുന്നു കോടതിയുടെ നിര്ദ്ദേശം.
അതു വരെ ആലപ്പുഴഎറണാകുളം, എറണാകുളംകായംകുളം ട്രെയിനുകളിലെ കോച്ചുകളുടെ എണ്ണം പതിനഞ്ചില് കുറയുന്നില്ലെന്ന് ഉറപ്പു വരുത്തുകയും വേണമെന്ന് എ.രാജേഷ്, പ്രസിഡന്റ്, ഷീന് ജോസ്, വി.കെ.ബീനകുമാരി എന്നിവര് അംഗങ്ങളായ എറണാകുളം ജില്ലാ ഉപഭോക്തൃ തര്ക്കപരിഹാര കോടതി ഉത്തരവിട്ടിരുന്നു.
